POP 5

Lajmet më të lexuara të 5 minutave të fundit

Politikë

"Ukraina", Kodheli raporton në
Kuvend: Kundër ndërhyrjes ruse

Ministrja Mimi Kodheli është thirrur sot në Komisionin e Jashtëm në lidhje me situatën në Ukrainë. Kodheli: Shqipëria dënon ndërhyrjen ushtarake të Rusisë në Krime. Mbledhja vijon me dyer të mbyllura. Garda kontrollon territorin e kryesisë së Kuvendit  me qen anti-eksploziv. 
Krimea, Ukraina bllokon listën elektorale /VD
Kuvend: Kundër ndërhyrjes ruse">
TIRANA – Shqipëria është pro integritetit dhe sovranitetit te Ukrainës , kjo ka qënë deklarata e Ministres së Mbrojtjes Mimi Kodheli nga komisioni i politikës së jashtme ku ishte thirrur me kërkesë të antarve të raportonte për situatën në Ukrainë. Shefja e Mbrojtjes ka dënuar ndërhyrjen ushtarake të Rusisë në Krime.
 
Pas mbledhjes me dyer të mbyllura kryetarja e komisionit Arta Dade u shpreh se qëndrimi i Shqipërisë është i unifikuar me organizmat euroatlantike.
 
Por nënkryetari i këtij komisioni Aldo Bumci ka hedhur akuza ndaj qeverisë shqiptare dhe konkretisht ndaj shefit të qeverisë Edi Rama duke e quajtur “të papranueshme heshtjen e tij” ,ndërsa e ka komentuar qëndrimin e ministrisë së Jashtme si të zbehtë.

GARDA KONTROLL E ME QEN ANTIEKSPLOZIV
Ndërsa zhvillohej mbledhja e komisionit ku raportonte ministrja Kodheli, Garda e Republikës ka marra masa të pazakonta sigurie duke kontrolluar territorin me qen anti-eksploziv. Burimet zyrtare të gardës dhe policisë mohuan të ketë patur informacione për akte terroriste, por shtuan se masat ishin në kuadrin e sigurisë së institucionit. Raportimi i ministres së Mbrojtjes erdhi pas kërkesës së deputetit socialist Ben Blushi vetëm pak ditë më parë i cili kujtoi në Komision se Shqipëria është vend i NATO-s dhe si i tillë, duhet të peshojë qëndrimin e saj në lidhje me Ukrainën, duke e lidhur këtë dhe me një tjetër aspiratë, integrimin në BE të vendit tonë. Kjo e fundit, sipas tij, mund të cënohet për aq kohë sa SHBA dhe BE pritet të kenë qëndrime jo të njëjta përsa i takon situatës politike dhe zgjidhjes së mundshme në Ukrainë.

Redaksia online
(el.sk/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku