Ukraina kundërshtari i radhës për Shqipërinë, Rebrov i beson lojtarëve të Dinamos dhe Shakhtarit

Pas aventurës në Euro 2024 është koha që skuadra e teknikut Sylvinho, që sapo ka rinovuar me Shqipërinë, të mendojë për Nations League. Shqipëria do të luajë ndeshjen e parë në grupin B1 më 7 shtator në transfertë ndaj Ukrainës. Për këtë ndeshje që do të luhet në fushë neutrale për shkak të luftës, UEFA ka vendosur që të luhet në Çeki në stadiumin “Epet Arena”, duke nisur nga ora 20:45.

Kundërshtari është një emër për t’u respektuar, në Europianin e fundit e mbylli grupin me katër pikë, ndërsa emrat e rëndësishëm nuk mungojnë në listë, duke filluar nga portieri i Real Madrid, Andrey Lunin, mesfushori Oleksandr Zinchenko i Arsenalit, apo sulmuesi i Romës Artem Dovbik.

Trajneri i përfaqësueses së Ukrainës, Sergiy Rebrov ka grumbulluar 9 lojtarë nga Dinamo e Kievit, ekipi ukrainas ka përfaqësimin më të madh, më pas vjen Shakhtar Donetsk me pesë futbollistë. Një listë që ka bërë zhurmë në Ukrainë, pasi trajneri i mirënjohur Oleg Fedorchuk ka kritikuar zgjedhjet e 50-vjecarit.

LEXO EDHE:
Florida, qeni i zhdukur prej ditësh vjen vetëm në shtëpi dhe i bie ziles (VIDEO)

Në skuadër është rikthyer mesfushori sulmues, Viktor Tsygankov, 26-vjecari ka patur probleme fizike dhe pas tre muajsh jashtë fushave, është bërë pjesë e skuadrës. Përballjen e fundit me Ukrainën, Shqipëria e ka zhvilluar në vitin 2018-të, në atë kohë skuadra drejtohej nga Christian Panuçi dhe kuqezinjtë mundeshin me rezultatin 4-1.

Sondazhi i ditës:

Si ka qene per ju viti 2024?

• I mire

  43.6%

• I keq

  22.6%

• As i mire as i keq

  33.8%

Vota total: 1662

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq