/ATSH-AFP/ - Ukraina ndaloi të gjitha fluturimet me destinacion Dnipropetrovskin, Kharkivin dhe Zaporijian (jug), qytete të mëdha pranë frontit të lindjes separatiste proruse, deklaroi shefi i aviacionit civil.

Denis Antoniouk theksoi se ky vendim, që hyri sot në fuqi, u mor për shkaqe sigurie, pa dhënë shumë detaje.
"Ne nuk e dimë ende sesa kohë do të zgjasë ky ndalim", shtoi ai.

Qytetet përkatëse, qendra industriale të vendit, janë vendet kryesore të tre rajoneve kufitare me ato të Donetskut dhe Luganskut, në prag të një rebelimi separatist prorus.
Lidhjet ajrore me dy rajonet rebele janë ndërprerë që prej disa muajsh.