Ukrainasi realizon ëndrrën për të qenë futbollist, ekipi i Butrinit e bën pjesë të skuadrës: Urojmë të bëhet lojtar i madh

SARANDË- Nikita, një djalosh nga Ukraina ëndërron të bëhej futbollist.

Këtë ëndërr nuk mundi që ta realizonte në atdheun e tij, pasi sot ky vend po i "mbijeton" sulmeve të Rusisë, por në një tjetër shtet që i hapi dyert dhe e mirëpriti duke u bërë shtëpia e dytë. Është Shqipëria dhe më konkretisht Saranda, ku ai së bashku me familjen janë zhvendosur për t'i shpëtuar sulmeve.

Ai tani më do të jetë pjesë e skuadrës së Butrintit, të cilët së bashku me profesor Flamur Shehun e bën pjesë këtij ekipi së bashku me fëmijët e tjerë.

"Nikita është një djalë nga Ukraina të cilin lufta e solli në Sarandë, ëndrra e tij është të bëhet futbollist, pasi na kontaktuan në faqen e Ks Butrinti, ne u treguam te gatshem ta ndihmonim, duam të falenderojmë profesor Flamur Shehu (Mulin) i cili e mori Nikitën në ekipin e tij dhe të gjithë fëmijët që e mirëpriten. I urojme që një ditë ky djalë të bëhet si shumë futbollistë të mëdhenj Ukrainas dhe të kujtojë Shqipërinë dhe mikpritjen Sarandjote. Wellcome Nikita", shkruan ekipi.

B.K./Shqiptarja.com

TAG:
• ukraine
• sarande
• Butrinti