Gjashtë ushtarë ukrainas humbën jetën dhe 14 të tjerë u plagosën gjatë 24 orëve të fundit në përleshjet e armatosura mes rebelëve prorusë në lindje të Ukrainës, njoftuan burime zyrtare.

"Gjashtë persona kanë humbur jetën. Situata nuk është e qëndrueshme dhe janë përdorur sërish tanke, automjete të blinduara dhe artileri e rëndë nga ana e rebelëve", deklaroi zëdhënësi i ushtrisë ukrainase, Arseni Lisenko.

OSBE-ja gjithashtu njoftoi se në afërsi të aeroportit në Donetskut është regjistruar dhunë e përgjakshme.

Që nga fillimi i konfliktit, në muajin prill të vitit 2014, në lindje të Ukrainës kanë vdekur më shumë se 6 400 persona.