Ukrainë, mbi 100 mijë protestues në
Kiev, qeveria i mbijeton votëbesimit

KIEV - Qeveria ukrainase i ka shpëtuar një vote mosbesimi, pasi u mblodhën vetëm 186 vota kundër, ndaj 226 që ishin pro.

Kryeministri Nikolay Azarov, foli në parlament para votimit, ku kërkoi falje për dhunën e ushtruar nga forcat e rendit. Gjatë fjalës së tij, Azarov deklaroi se, “përgjegjësit për dhunën e ushtruar do të dënohen”.

Gjithashtu, Azarov ka deklaruar se, negociatat me BE-në, do të vazhdojnë. “Në praninë time, presidenti pati një lidhje telefonike të gjatë me presidentin e KE, Jose Manuel Baroso dhe është rënë dakord të vazhdojnë bisedimet për arritjen e një marrëveshjeje për integrimin dhe tregtinë e lirë në BE”.

Në fund të fjalës së tij, kryeministri ukrahinas Azarov tha se, “opozita ti japë fund kësaj bllokade ose do të mbajnë përgjegjësi  se për çfarë do të ndodhë”.

UKRAHINE, PROTESTA MASIVE GJATE PARADITES
Intensfikohen protestat në Ukrainë ndërsa kryeministri i vendit ka paralajmëruar për grusht shteti. Mbi 100 mijë  mbështetësit e opozitës janë mbledhur që në orët e para të mëngjesit të sotëm përpara ndërtesës qëndror të parlamentit në Kiev në ditën e 13-të të protestave kundër vendimit të qeverisë për të nënshkruar një marrëveshje për marrëdhënie më të ngushta me BE-në.
 
Një prani e madhe e forcave të policisë vihet re përpara ndërtesës ndërsa protestuesit po përdorin automjetet e tyre për të bllokuar rrugët që të çojnë për në parlament. Kryeministri Mykola Azarov tha se qeveria është në dijeni të planeve për të marrë godinën e parlamentit në kryeqytet. Ndërkaq presidenti Janukoviç ka bërë thirrje për protesta paqësore pas dhunës që u pa në fundjavë ku dhjetra vetë mbetën të plagosur.
 
Por protestuesit kërkojnë dorëheqjen e presidentit, i cili vendosi të braktisë paktin tregtar me BE-në dhe të kërkojë marrëdhënie më të ngushta ekonomike me Rusinë. Vendimi ka shkaktuar zemërim në një vend ku pjesa më e madhe e qytetarëve kërkojnë t’i bashkangjiten BE-së dhe të shpëtojnë nga orbita e Moskës. Me insistimin e opozitës, parlamenti pritet të diskutojë dhe më pas votojë sot nëse do të lejojë një mocion mosbesimi ndaj qeverisë.
Redaksia online
(sg/shqiptarja.com)

TAG:
• OSBE