POP 5

Lajmet më të lexuara të 5 minutave të fundit

Arkiva

UKRAINË – Përforcime me armë të rënda drejt Donetskut

ÇAKTARSK (Ukrainë) - Përforcime me armatime të rënda ishin drejtuar sot në mëngjes drejt Donetskut, Bastion separatist prorus në lindje të Ukrainës, një ditë pas kërkesës së BE-së ndaj Rusisë për të tërhequr trupat e saj dhe të pengojë dërgimin e përforcimeve shtesë.
Gazetarët në terren dalluan gjashtë tanke dhe dy autoblinde jo shumë larg nga Çaktarski në rrugën për në Donetsk. Në Makivka, jo shumë larg nga Donetsku gazetarët panë një kolonë me 15 kamionë pa targa, ku 14 transportonin secili nga një top të kalibrit 122 milimetra. Ata drejtoheshin për në doetsk gjithashtu.
Në Donetsk, goditjet e artilerisë vazhduan gjatë natës, por më pak intensive nga ditët e më parshme.
Duke parë afërsinë e goditjeve me qendrën e qytetit, me shumë mundësi rebelët po godasin forcat ukrainase pranë aeroportit, teatër i luftimeve intensive që pre disa muajsh, mendohet se ata janë pozicionuar në periferi të Donetskut.
Situata në terren është përkeqësuar ndjeshëm pas zgjedhjeve separatiste të 2 nëntorit që vunë në rrezik marrëveshjet e paqes të nënshkruar në shtator nga Kievi dhe separatistët prorusë me pjesëmarrjen e Moskës dhe OSBE-së.
Shefja evropiane e diplomacisë, Federica Mogherini, i kërkoi dje Moskës të tërheqë trupat e saj nga lindja e Ukrainës dhe të pengojë përforcimet shtesë, duke e vlerësuar si shumë shqetësuese praninë e tankeve të sinjalizuar nga OSBE-ja në rajonet rebele.
Shtëpia e Bardhë u shqetësua gjithashtu dje nga intensifikimi i luftimeve në rajonet separatiste ukrainase, duke kërkuar se çdo përpjekje e rebelëve për të marrë territore të tjera përbën një shkelje flagrante të marrëveshjeve të armëpushimit./ATSH/

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54