POP 5

Lajmet më të lexuara të 5 minutave të fundit

Arkiva

Ukrainë, predhë në një spital, 15 të
vdekur, rebelët: Sulmi nga ushtria

Një sulm me predha në një spital në Donetsk, në lindje të Ukrainës, ka lënë të paktën 15 të vdekur, ndonëse nuk ka ende një shifër zyrtare. Sipas burimeve në zonë janë dëmtuar shumë godina përreth dhe po bëhet largimi i viktimave nga ambientet e shkatërruar të spitalit. VIDEO
Ukrainë, predhë në një spital, 15 të<br />vdekur, rebelët: Sulmi nga ushtria
UKRAINË - Një sulm me predha në një spital në Donetsk, në lindje të Ukrainës, ka lënë të paktën 15 të vdekur, ndonëse nuk ka ende një shifër zyrtare. Sipas burimeve në zonë janë dëmtuar shumë godina përreth dhe po bëhet largimi i viktimave nga ambientet e shkatërruar të spitalit. Javët e fundit sulmet mes separatistëve pro-Rusë dhe forcave ushtarake të Ukrainës, janë përshkallëzuar duke rritur numrin e viktimave.

Pas këtyre sulmeve shefja e politikës së Jashtme të BE-së, Federica Mogherini, bëri thirrje për një armëpushim mes palëve për të lejuar civilët të largohen nga zona e luftimeve.

Autoritetet e emergjencës të Republikës së vetëshpallur në Donetsk, thonë se viktimat janë të shumta dhe se sulmet vinë nga ana e ushtrisë së ukrainës. Rebelët por-Rusë u bëjnë thirrje vëzhguesve të OSBE-së të investigojnë dhe të gjejnë burimin e këtyre predhave pasi sipas tyre po sulmohen nga forcat ushtarake të Kievit.

Ndërkohë ushtria e Ukrainës deklaron se në vetëm 24 orët e fundit janë vrarë 2 ushtarë dhe 18 të tjera janë plagosur, duke pretenduar se janë separatistët ata që kanë lëshuar rreth 80 predha të artilerisë së rëndë në posto blloqet dhe fshatrat e Ukrainës. Në 9 muaj konflikt në Ukrainën Lindore kanë mbetur të vrarë të paktën 5 mijë persona.

Përplasjet janë përshkallëzuar së fundmi, duke e prishur zyrtarisht marrëveshjen e paqes së shtatorit në Minsk të Bjellorusisë, dhe forcat politike nuk kanë mundur të gjejnë sërish një marrëveshje armëpushimi.


(v.gj/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54