DURRËS- Pas një video të qarkulluar në mediat sociale, ku një 22-vjeçar shihet teksa bullizonte dhe dhunonte një vajzë të mitur, policia ka arrestuar të riun nga Durrësit.

E gjithë skenë e shëmtuar e regjistruar në një video, u bë shumë shpejt virale, ndërsa blutë e Durrësit kanë shoqëruar 22-vjeçarin A.D, dhe gjatë momentit të kapjes i kanë sekuestruar edhe një thikë.

I riu ndodhet i shoqëruar dhe po vijojnë veprimet për sqarimin e plotë të rrethanave të ngjarjes. Ndërsa dy vajzat e mitura, të dyja 17-vjeçe, të përfshira në këtë ngjarje, në bashkëpunim e me punonjësit e shërbimit sociale dhe me psikologun do të intervistohen me qëllim dokumentimin e plotë të këtij rasti.

Në videon e bërë publike në rrjetet sociale shihet se i riu, fillimisht e godet vajzën dhe më pas e kërcënon se do të bëjë me të ç’të dojë nëse nuk i bindet atij. Më pas e detyron, të ulet në gjunjë dhe t’i puthë këmbët shoqes së saj, e cila me krenari filmon momentin.