Unioni i Gazetarëve mbron Stefanin
"Stop sharjeve alla Cim Peka"
Unioni i Gazetarëve ka dalë në mbrojtje të gazetarit Andrea Stefani duke iu referuar debatit të fortë që pati gjatë një emisioni live dhe sharjeve që mori nga kolegu Çim Peka. Përmes një deklarate për mediat, Unioni i gazetarëve shpreh protestë ndaj fyerjeve dhe vulgarizimit të debatit vetëm pse kolegu ndan pikëpamje të ndryshme.
TIRANE - Unioni i Gazetarëve ka dalë në mbrojtje të gazetarit Andrea Stefani duke iu referuar debatit të fortë që pati gjatë një emisioni live dhe sharjeve që mori nga kolegu Çim Peka. Përmes një deklarate për mediat, Unioni i gazetarëve shpreh protestë ndaj fyerjeve dhe vulgarizimit të debatit vetëm pse kolegu ndan pikëpamje të ndryshme.
Deklarata e plotë e Unionit të Gazetarëve ShqiptarëNdal dhunës verbale dhe përdhosjes së etikës në debatet televizive !
Unioni i Gazetarëve Shqiptarë me shqetësim të madh po vëren se në realitetin e përditshëm të komunikimit dhe debatit publik, po shpeshtohen rastet e fyerjeve, denigrimeve dhe cenimit të integritetit dhe dinjitetit të kolegëve. Në debatet e disa prej kanaleve televizive raste të tilla po bëhen më të shpeshta dhe priren drejt një agresiviteti pa etikë dhe që cenojnë rëndë dinjitetin dhe pozicionin profesional. Rasti i fundit ngjau në emisionin “Opinion” ku gazetari Çim Peka fyeu gazetarin- analist Andrea Stefani me një zhargon që jo vetëm shkel etikën e komunikimit dhe Kodin Etik, por që e degradon përballjen dhe dialogimin publik mes kolegësh në shëmbëlltyrë të sjelljes dhe polemikës konfliktuale që gjeneron politika dhe protagonistët e saj, shpesh në skenën politike të vendit.
Unioni i Gazetarëve Shqiptarë denoncon sjellje të tilla dhe apelon që kolegët dhe analistët të ikin nga kurthe të tilla që në fakt janë shprehje jo e forcës, por e dobësisë për të mbështetur pikëpamjen me argumente dhe logjikë. Për gazetarin profesionist mbetet devizë e pakapërcyeshme thënia e Volterit:E urrej pikëpamjen tënde, por do të luftoj me të gjitha forcat në mbrojtje të së drejtës që ti ke, për ta shprehur atë.
Të fyesh një koleg për pikëpamjen e kundërt që ka dhe që nuk të pëlqen, është braktisje dhe ikje nga liria, toleranca dhe pluralizmi i pikëpamjeve.
Unioni i Gazetarëve Shqiptarë nuk mund të dakordësohet dhe proteston ndaj qëndrimeve të tilla të cilat minojnë lirinë e shprehjes, vulgarizojnë debatin dhe polemikën mes profesionistëve dhe vlejnë vetëm si shërbestari e verbër ndaj palëve dhe protagonistëve partiakë.
Unioni i Gazetarëve Shqiptarë u bën thirrje kolegëve dhe moderatorëve të debateve televizive që në emisionet e tyre, të kontribuojnë dhe lozin rolin e duhur për ruajtjen dhe respektimin e standardeve etike dhe garantimin e dinjitetit në komunikimin publik.
Redaksia Online
(Gre.M/Shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.4%
-
Jo
18.9%
-
Ndoshta
11.7%
Vota total: 2237
Votat totale janë unike
Lajme të tjera
-
Spahiu: Shkatërrimi bregdetit, filloi në 2006 kur “Fshatrat turistik” u shitën si apartamente
23 Korrik, 22:07
-
Vlorë/ Kundërshtuan forcat e policisë për të kryer kontroll, shoqërohen 3 persona (VIDEO)
23 Korrik, 21:56
-
Vila perandorake e Berishës, Doçi në ‘Repolitix’: Pastrim parash, në politikë u fut me një apartament, sot familja më e pasur në Ballkan! Shkëlzeni e Argita sekserë
23 Korrik, 21:40
-
Administrata Tatimore rikujton tatimpaguesit: Inspektorët tatimorë identifikohen nga këto elementë
23 Korrik, 21:31
-
Real Madridi unik, kalon 1 miliardë euro të ardhura për sezonin 2023-24! Rritje me 27 përqind
23 Korrik, 21:31
-
Realizohet me sukses operacioni në Spitalin e Traumës, hiqet një trup i huaj brenda trurit të pacientit
23 Korrik, 21:25
-
Partitë proruse përfshihen në qeverinë e riorganizuar të Malit të Zi
23 Korrik, 21:07
-
VIDEO/ Futbollistët e Dinamos së Kievit nuk i japin dorën rivalëve të Partizanit të Beogradit në Champions League
23 Korrik, 20:54
-
Komisioni hetimor për ‘TIMS’, miratohet raporti i PS, Salianji: U bënë gjetje përtej parashikimeve
23 Korrik, 20:50
-
Çollaku i PD sulmon Metën: S’i takon t’i japë leksione demokratëve, në protestë ishte i ftuar, jo zoti i shtëpisë
23 Korrik, 20:34
-
Thumanë-Kashar, policia instalon radarët në autostradën e re, makinat fluturojnë me 215 km/orë
23 Korrik, 20:33
-
‘Ndryshime ligjore brenda 6 muajve’, Gogu prezanton raportin e PS për 'TIMS': Rishikim tërësor i akteve që mbrojnë të dhënat
23 Korrik, 20:14