United pa ekuilibër, barazon City
Roma i përgjigjet Juves, bie Napoli

Manchester United nuk di të fitojë këtë edicion, pavarësisht shpenzimeve marramendëse që ka realizuar në merkato duke afruar emra të mëdhenj si Di Maria apo edhe Falcao. Humbja e radhës për djemtë e Van Gal ishte përballë Leicester jashtë fushë me rezultatin 5-3 duke shfaqur mungesë ekuilibri.

United e nisi mirë duke krijuar avantazhin 0-2 me golat e Van Persit dhe Di Marias me një super gjuajtje, ndërsa vendasit ngushtuan diferencën në pjesën e parë, por përsëri ‘Djajtë e kuq’ shënojnë në fillimin e të dytës duke dhënë idenë se gjithçka mbaroi.

Megjithatë Leicester nuk e kishte thënë ende fjalën e fundit, pasi shënoi plot 4 herë duke kthyer rezultatin në 5-3 dhe shokur miqtë që festuan para kohe. Ndeshja tjetër në Premier League mes Manchester United dheChelesa-s përfundoi në barazim 1-1.  Andre Schuerrle kaloi blutë në avantazh në të 77’ ndërsa Chelesa u ndëshkua në të 85’ nga ish-lojtari Frank Lampard.
 
Seria A
Destro dhe Florenzi janë autorët e fitores së Romës përballë Kaljarit duke iu përgjigjur Juventusit në distancë që mundi Milanin 0-1. Ndërsa Napoli nuk po gjen qetësi, pasi mori një tjetër humbje përballë Udineses jashtë fushë duke lëkundur më shumë se kurrë pankinën e Benitez. Golin për Udinesen e shënoi Danilo, ndërkohë që Fiorentina fitoi me Atalantën 0-1.
 
La Liga
Fitorja e Realit me rezultatin 2-8 ndaj Deportivos të shtunën është pasur me të tjera surpriza të dielën, teksa edhe Almeria ka mundur Sociadadin në shtëpi 1-2. Theksojmë që Sociedad para pak javësh zbriti Realin e Madridit me këmbë në tokë duke e mundur 4-2 me përmbysje. Villarel fitoi 4-2 me Vallecano, ndërsa Cordoba nuk i bëri ballë Sevillas duke u mposhtur 1-3.
 
Bundesliga
Në Gjermani pas humbjes së Dortmundit dhe barazimit të Bayern Mynih vjen radha e Leverkusenit për të surprizuar, pasi u mposht nga Volfsburgu me rezultatin e thellë 4-1. Leverkusen shikoj si ekipi favorit që do të dominonte ndeshjen, por vendasit janë treguar më superiorë duke fituar me meritë. Në ndeshjen tjetër të javës që u zhvillua të dielën Cologne barazoi pa gola me Borussia Monchengladbach.


d.b/shqiptarja.com