VATIKAN- “Nëse duam që të jenë Krishtlindjet, Krishtlindjet e Jezusit dhe të paqes, le të shikojmë Betlehemin dhe të fiksojmë shikimin në fytyrën e Fëmijës që ka lindur për ne. Dhe në atë fytyrë të vogël të pafajshme të shohim atë të fëmijëve që dëshirojnë paqen në çdo pjesë të botës”.
Ky ishte mesazhi i Papa Françeskut sot para mijëra besimtarëve në sheshin para Bazilikës së Shën Pjetrit, mesazhi tradicional përpara bekimit "Urbi et Orbi" (Qytetit dhe Botës). Papa kujtoi dhimbjet e botës dhe si gjithmonë, që nga pushtimi rus i 24 shkurtit, mendimi i tij i parë shkon te Ukraina.
“Vështrimi ynë le të jetë i mbushur me fytyrat e vëllezërve dhe motrave ukrainas që po jetojnë këtë Krishtlindje në errësirë, në të ftohtë ose larg shtëpive të tyre, për shkak të shkatërrimit të shkaktuar nga dhjetë muaj luftë. Zoti na bëftë gati për gjeste konkrete solidariteti për të ndihmuar ata që vuajnë dhe për të ndriçuar mendjet e atyre që kanë fuqinë për të heshtur armët dhe për t'i dhënë fund të menjëhershëm kësaj lufte të pakuptimtë! Fatkeqësisht, ne preferojmë të dëgjojmë arsye të tjera, të diktuara nga logjika e botës”, tha ai.
Por lista e konflikteve dhe vuajtjeve, si çdo vit, është shumë e gjatë. Për herë të parë që nga shtypja e dhunshme e protestave popullore, Françesku përmend publikisht Iranin dhe bën thirrje që ai të "ndalojë çdo gjakderdhje".
“Koha jonë po përjeton një mungesë serioze paqeje edhe në rajone të tjera, në teatro të tjera të kësaj lufte të tretë botërore”, thotë Françesku.
“Me keqardhje duhet të vërejmë se, ndërsa Princi i Paqes po na jepet, erërat e luftës vazhdojnë të fryjnë të akullta mbi njerëzimin. Nëse Krishti është gjithashtu rruga e paqes, barrat që i pengojnë njerëzit të shkojnë në Betlehem dhe i përjashtojnë ata nga hiri i Krishtlindjes janë të njëjtat pasione negative që penguan mbretin Herod dhe oborrin e tij të njohin dhe të mirëpresin lindjen e Jezusit: lidhje me pushtetin dhe paranë, krenarinë, hipokrizinë, gënjeshtra”, vijoi kreu i Kishës Katolike.
"Lufta e tretë botërore" e evokuar nga Papa është e përbërë nga fragmente të ndryshme.
“Le të mendojmë për Sirinë, ende e munduar nga një konflikt që është zbehur në plan të dytë, por nuk ka përfunduar. Dhe le të mendojmë për Tokën e Shenjtë, ku dhuna dhe përplasjet janë shtuar muajt e fundit, me vdekje dhe të plagosur. I lutemi Zotit që atje, në tokën që pa lindjen e tij, të rifillojë dialogu dhe kërkimi i besimit të ndërsjellë mes izraelitëve dhe palestinezëve”, tha Papa Françesku.
Në Meshën e Krishtlindjeve në Romë, Papa Françesku ka bërë thirrje të ndihmohen të varfrit e të dobtit. Nga Katedralen e Shën Pjetrit në Natën e Krishtlindjeve, Papa u shpreh se ata vuajnë më shumë nga lakmia njerëzore.
Në meshën gjigande, që për herë të parë pas dy vjetësh pandemie u zhvillua me praninë e 7000 të ftuarve në Katedralen e Shën Pjetrit, si edhe para 3000 qytetarëve jashtë në shesh, Papa Françesku e vendosi fokusin tek fëmijet që "përpihen nga lufta, varfëria dhe padrejtësia". Jezu Krishti na fton "të kundrojmë jetën, politikën dhe historinë me sytë e fëmijëve". Për shkak të luftës dhe urrejtjes, lindja e Jezu Krishtit na kujton "se zoti është me ne, na do dhe na kërkon."
Papa bëri thirrje që të mos mposhtemi nga frika, pafuqia dhe dëshpërimi dhe të ringremë sërish besimin. "Zoti lind në një çerdhe, që t'i ringrihesh, aty ku ti mendon se e ke arritur fundin. Nuk ka asnjë të keqe, asnjë mëkat, nga të cilat Jezu Krishti nuk do apo nuk mund të të shpëtojë. Krishtlindjet nënkuptojnë që zoti është pranë nesh: Le të rilindë sërish besimi!"
Papa iu drejtoi thirrjen të krishterëve që në emër të Jezu Krishtit të kujdesen "për ata që kanë humbur shpresën që ta ringjallin atë sërish." Mesha e madhe e përvitshme në Katedralen e Shën Pjetrit u zhvillua më herët dhe pa kufizimet e Coronës. Në mesditë, Ditën e Krishtlindjeve në mesditë pritet që Papa të japë bekimin "Urbi et Orbi" - "Për Botën dhe Qytetërimin". Në fjalimin e tij tradicional Papa i kushtohet edhe zhvillimeve politike aktuale në botë.
Lajme të tjera
-
At Luigj Paliq dhe Dom Gjon Gazulli shpallen martirë të Kishës Katolike me dekret të Papa Franceskut! Mbahet në Shkodër mesha e shenjtë
16 Nëntor, 14:34
-
Spiropali në Vatikan, pritet nga Papa Françesku: Mirënjohje për kontributin e paçmuar për Shqipërinë
28 Tetor, 15:56 -
Papa Françesku dënon ashpër abortin e fëmijëve: Mjekët që e kryejnë këtë procedurë janë vrasës
30 Shtator, 14:26 -
Sot 10-vjetori i vizitës në Shqipëri të Papa Françeskut, ministrja Kumbaro: I dhuruam dy simbolet më të bukura të traditës shqiptare
21 Shtator, 14:55 -
Sot, 10 vite nga vizita e Papa Franceskut në Shqipëri (FOTO)
21 Shtator, 08:43 -
'MED24'/ Tirana mbledh të rinjtë nga 25 shtete të botës! Videomesazhi i Papa Franceskut: Bëhuni zëri i atyre që s'dëgjohen! Jeni e ardhmja e Mesdheut
17 Shtator, 11:24 -
Harris apo Trump? Papa Françesku i kritikon ashpër: Si aborti, si refuzimi i emigrantëve janë kundër jetës! Duhet zgjedhur e keqja më e vogël
13 Shtator, 21:25 -
Vizita e Papës në Indonezi/ Arrestohen 7 terroristë të dyshuar: Po përgatitnin një sulm, u gjet edhe material propagandistik i ISIS!
7 Shtator, 08:00 -
Papa në Indonezi, vajza e verbër e pret me sure kurani (VIDEO)
5 Shtator, 21:02 -
Indonezi/ Papa Françesku: Feja të mos përdoret për konflikte! Kriza mjedisore, rrezik ekzistencial
5 Shtator, 17:26 -
‘Besra’ dhe ‘Andrino’, 2 mrekullitë që shenjtëruan Nënë Terezën
5 Shtator, 13:40 -
Papa Françesku dënon vendimin e Ukrainës për ndalimin e aktiviteteve të lidhura me Kishën Ortodokse Ruse
25 Gusht, 22:44
