POP 5

Lajmet më të lexuara të 5 minutave të fundit

Shëndeti

Dy muaj e gjysmë jashtë funksionit, pamjet nga dëmi i shkaktuar nga zjarri në Urgjencën e QSUT-së! Vijon puna për rikthimin në normalitet

Në Urgjencën e QSUT-së ka nisur puna për riparimin e dëmit elektrik të shkaktuar nga një zjarri që ra më 11 shkurt në katin -1 në Urgjencën e re. Siç shihet edhe nga pamjet e publikuara për herë të parë, zjarri ka shkaktuar dëme të mëdha. Rikthimi në normalitet i Urgjencës sipas ministres do të bëhet brenda muajit maj

TIRANË- Në Urgjencën e Qendrës Spitalore Universitare “Nënë Tereza” (QSUT) ka nisur puna prej disa ditësh për riparimin e dëmit elektrik të shkaktuar nga një zjarri që ra më 11 shkurt në katin -1 në Urgjencën e re. Ministrja e Shëndetësisë, Albana Koçiu, ka publikuar pamjet nga punimet për rikthimin në funksion të Urgjencës së re në QSUT. Siç shihet edhe nga pamjet e publikuara për herë të parë, zjarri ka shkaktuar dëme të mëdha.

Sipas ministres shërbimi për urgjencat kardiovaskulare, aktualisht po ofrohet në Spitalin Universitar “Shefqet Ndroqi”, Spitalin Rajonal Memorial Fier dhe Spitalin Rajonal të Shkodrës.

Ndërkohë shton ministrja, shërbimi i Urgjencës në QSUT, vijon çdo ditë të ofrojë shërbim për të gjitha urgjencat e sëmundjeve të brendshme, gastrohepatologji, nefrologji, hematologji, endokrinologji, dermatologji, alergologji, reumatologji si dhe të gjitha urgjencat neurologjike.

‘Prej disa ditësh në Urgjencën e Qendrës Spitalore Universitare “Nënë Tereza” ka nisur puna për riparimin e dëmit në rrjetin elektrik, të shkaktuar nga incidenti i ndodhur në muajin shkurt.

Ne luftë me kohën për të rikthyer sa me parë në këtë strukture spitalore dhe shërbimin për urgjencat kardiovaskulare, shërbim që aktualisht po ofrohet në Spitalin Universitar “Shefqet Ndroqi”, Spitalin Rajonal Memorial Fier dhe Spitalin Rajonal të Shkodrës.

Shërbimi i Urgjencës në QSUT, vijon çdo ditë të ofrojë shërbim për të gjitha urgjencat e sëmundjeve të brendshme, gastrohepatologji, nefrologji, hematologji, endokrinologji, dermatologji, alergologji, reumatologji si dhe të gjitha urgjencat neurologjike.’- shkruan ministrja e Shëndetësisë.

Në Komisionin e Shëndetësisë ministria Albana Koçiu tha se 30 milion lekë do t'i kushtojë buxhetit të shtetit rehabilitimi i urgjencës së 'QSUT' dhe do të përfundojë në maj.

Situata kaotike me urgjencat vijon që prej datës 11 shkurt kur në katin -1 në Urgjencën e re të QSUT-së ra zjarr, për shkaqe që po hetohen nga prokuroria e Tiranës e që dyshohet se lidhen me keqfunksionimin e baterive. Organi i akuzës së kryeqytetit i nisi hetimet më 2 mars, duke sekuestruar edhe dosjen e tenderit për ndërtimin e urgjencës, një investim me vlerë rreth 17 milionë euro.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 23/04/2024 09:46

    Autokritikë dhe më shumë për para. Populli të leh karvani ministres për para.

    Përgjigju
  • Artur Shundi: 23/04/2024 09:38

    Kjo Ministria qenka e lezetshme, nxjerr si sukses dështimin e që u mori flakë urgjenca pa kaluar viti

    Përgjigju
  • Sondazhi i ditës:

    A besoni se do realizohet vota e diasporës për zgjedhjet e ardhshme?

Lajme të tjera



×

Lajmi i fundit

Studentët kundërshtojnë afatet e reja të punës me detyrim: Qeveria na injoroi! Do ta dërgojmë në Strasburg (VIDEO)

Studentët kundërshtojnë afatet e reja të punës me detyrim: Qeveria na injoroi! Do ta dërgojmë në Strasburg (VIDEO)

3 Maj, 17:51