Misioni i NATO-s në Kosovë, KFOR, njoftoi se ushtarët amerikanë të caktuar në Komandën Rajonale të Lindjes kanë realizuar një patrullë rutinë sot në veri të Kosovës, përgjatë vijës kufitare me Serbinë.

KFOR përmes një postimi në rrjetin social në Facebook ka shkruar se këto patrullime janë pjesë e angazhimit të tij të përditshëm për të siguruar një mjedis të sigurt për të gjitha komunitetet në Kosovë.

‘Ushtarët amerikanë të caktuar në Komandën Rajonale në Lindje të misionit KFOR të udhëhequr nga NATO, kryen një patrullë rutinë në veri të Kosovës përgjatë vijës kufitare administrative. Këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë’, thuhet në njoftim.

Po ashtu, KFOR-i riafirmoi angazhimin për të zbatuar mandatin e tij, i cili është i mbështetur në Rezolutën 1244 të Këshillit të Sigurimit të OKB-së nga viti 1999, për të garantuar sigurinë dhe lirinë e lëvizjes për të gjithë qytetarët dhe komunitetet në Kosovë, në mënyrë të paanshme dhe në çdo kohë.

KFOR gjithashtu theksoi se po bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) për të koordinuar veprimet e sigurisë në terren.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera