Altin Ndoci ende në arrati, dështon seanca e ‘Plumbit të Artë’! Prokuroria heton si u çua në Burgun e Durrësit

DURRËS- E gjithë policia e Shtetit është ngritur në këmbë për të kapur Altin Ndocin. Por të paraburgosurin e arratisur nga spitali i Durrësit më 13 janar, e kërkon edhe Gjykata e Posaçme. Këtë të enjte ishte seanca e radhës gjyqësore e procesit “Plumbi i Artë”, ku Ndoci është i akuzuar ndër të tjera, për masakrën e Bradasheshit. Për mungesën e tij në sallë që shtyu procesin, u desh të përgjigjet zyrtarisht Drejtoria e përgjithshme e Burgjeve: Altin Ndoci nuk mund të shoqërohet pasi është arratisur!

Një nga avokatët e të pandehurit në arrati, Aldo Shkëmbi, kërkoi që për seancën, policia t’i bëjë njoftim Ndocit sipas procedurës, pasi siç ai tha “mund të jetë edhe në banesën e tij”. Në përgjigje, prokurorja e SPAk, Doloreza Musabelliu, kërkoi informacion nga policia mbi rezultatet e kërkimit të të arratisurit. Për prokurorin Behar Dibra, edhe kur ishte në qeli, Ndoci është paraqitur vetëm një herë në gjyq, ndaj mungesa e tij nuk duhej të ishte shkak për shtyrjen. Megjithatë, derisa Gjykata e shtyu seancën me datën 20 janar deri në një përgjigje zyrtare nga policia, që i pandehuri nuk u gjet.

 “Në mungesë deklarate nga vetë i pandehuri dhe për të respektuar dhe parashikimet ligjore për njoftimin e të pandehurit në rast kur është i kufizuar, kur nuk gjendet apo kur është i lirë, duhet të deklarohet fakti nëse i fshihet ose jo drejtësisë, që më pas të vazhdojë gjykimi në mungesë”, tha avokati Aldo Shkëmbi.

LEXO EDHE:
Moti i keq, shtyhet me disa orë nisja e trageteve në portin e Durrësit! Ndalohet lundrimi për peshkarexhat dhe anijet e vogla

8 nga burgjet janë në pranga për arratinë, por pikëpyetjet që e shoqërojnë atë janë ende të mëdha, mbi të gjitha, për përgjegjësinë e personave me uniformë, por edhe bashkëpunëtorëve të mundshëm në spital, që mund t’i kenë hapur rrugën e largimit.

Të paktën 3 orë ka qëndruar Altin Ndoci në ambientet e repartit Infektiv në spitalin e Durrësit. Report Tv mëson se ambulanca e burgut mbërriti në Spital në orën 10:10 minuta. Kur ora shënoi 13:05, 38-vjeçari u arratis. Gjatë kësaj kohe, siç Burgjet thanë zyrtarisht, i pandehuri bëri një vizitë mjekësore, dhe me rekomandim të kirurgut do duhej të priste 2 orë për rikontroll. Edhe kjo pikë po hetohet nëse vërtetë ka ndodhur kështu.

Pasi sajoi rrengun për të shkuar në tualet, Altin Ndoci goditi policin e burgjeve, ia futi vrapit dhe hyri në makinën që e priste jashtë rrethimit të spitalit.

Prej 2020-ës kur u arrestua Ndoci qëndronte në paraburgimin e Durrësit, me standarde jo të larta sigurie. 33 të tjerë, të ngjashëm për nga rrezikshmëria e veprave penale, u transferuan në mbrëmje nën masa të rrepta sigurie, në 2 burgje të sigurisë së lartë në vend, në Peqin dhe në Fier. Mes 27 të paraburgosurve dhe 3 të dënuarve që u shoqëruan nga forcat operacionale të burgjeve, Lulzim Berisha ish-kreu i bandës së Durrësit, Astrit Avdyli, i bandës së Shijakut, Orges Molla i operacionit ‘Ura’ për trafik droge, Enea Kume, vëllai i ish-deputetit socialist Loer Kume, e personazhe të tjerë të njohur të botës së krimit.

Prokuroria e Durrësit që ka nisur hetimet për arratisjen, përveç të gjithë dokumentacionit se si u caktua vizita në spital dhe plani i shoqërimit me policët që e lanë  pa pranga, ka sekuestruar edhe letrat e transferimit të Altin Ndocit, në burgun e zakonshëm të Durrësit.

Në sitë do të kalojnë dhe vizitat e tij në burg, personat e fundit që e takuan dhe telefonatat nga qelia. U sekuestrua libri i instruktazhit të personelit shoqërues cili kryhet për çdo ditë me personelin shoqërues, ku përfshihen njohja me masat e sigurisë që duhen zbatuar, marrja e pajimeve sipas rregullores, kontrolli teknik i armatimit personal, mënyra e veprimit kur i shoqëruari nuk respekton rregullat.

Rendit zhvillimet sipas orarit:

Të Fundit Të Parat