Ushtria dhe policia në të gjithë Shqipërinë ka dalë në terren për të verifikuar nëse personat e ardhur nga Italia, Greqia dhe zona të infektuara nga koronavirusi, janë duke respektuar apo jo qëndrimin në shtëpi në vetëkarantinim. Janë rreth 25 mijë persona që sipas sistemit TIMS kanë hyrë në vendin tonë nga Italia kur COVID-19 kishte shpërthyer. Kushdo që në postblloqet e policisë dhe ushtrisë konstatohet që duhej të ishte në vetëkarantinim, dhe është jashtë, do të gjobitet me 5 mijë euro, dhe nuk do të ketë të drejtën të dalë jashtë kufirit kur situata të normalizohet, pa e shlyer gjobën. Edhe forcat e policisë dhe të ushtrisë janë të pajisur me maska mbrojtëse si masë parandaluese ndaj koronavirusit.
Ministri i Brendshëm Sandër Lleshaj u kërkon të gjithë qytetarëve që të qëndrojnë në shtëpi. Ministri paralajmëron se angazhimi do të thellohet me bindjen se qytetarët do të bashkëpunojnë dhe mbështesin strukturat e vijës së parë.
"Situata përballohet kur secili bën pjesën e tij. Ndërkohë që punonjësit e shëndetësisë, të policisë, ushtarakët e të tjerë duhet të mbajnë barrën kryesore, të tjerët duhet të bëjnë një gjë më të thjeshtë, por po aq të rëndësishme: të qëndrojnë në shtëpi.
Policia, e mbështetur nga Ushtria, vijon kontrollin e gjerë për kufizimin e lëvizjeve në të gjithë vendin. Orët dhe ditët në vijim janë vendimtare për frenimin e përhapjes së virusit në vend. Ndaj ky angazhim do të njohë thellim të mëtejshëm, me bindjen se qytetarët do të bashkëpunojnë dhe mbështesin strukturat e vijës së parë' shkruan Lleshaj.
Drejtori i Përgjithshëm i Policisë së Shtetit, Ardi Veliu në një prononcim për mediat ka sqaruar me detaje sesi funskionojë pikat e kontrollit të Policisë dhe të Ushtrisë, për "të pabindurit" që nuk vetëkarantinohen.
Gjithsej janë 66 pika në disa qytete kryesore, specikisht në ato vende ku ka pasur persona të infektuar. Ato funksionojnë me anë të tabletave, plot 100 të tillë, që koordinojnë informacionet me njëri-tjetrin. Deri më tani janë kapur dhe urdhëruar të vetëkarantinohen, rreth 450 sipas burimeve të Report Tv, e ndërsa lajmi i mirë është se nuk ka pasur asnjë rast të përsëritur.
"Që nga dita e djeshme janë duke kryer kontrolle në 66 pika, kryesisht në Tiranë, Durrës, Lezhë, Fier, Elbasan, Lezhë, Shkodër dhe Vlorë. Nëse nuk do të bëjnë vetëkarantinimit, atëherë do të aplikohet gjoba prej 5 mijë euro. Këto pika kontrolli ka 100 tableta, në një sistem duke punuar online dhe duke bërë kryqëimin e të dhënave. Nëse është kapur në Tiranë një person, do të kontrollojey në Durrës dhe në qytetet e tjera, (pra s'ka shpëtim). Nuk kemi raste të përsëritura. Qyetatarë që duan të shkojnë në Rinas të konfirmojnë orarin e lëvizjes në drejtim të Rinasi, linjën e fluturimit, në të kundërtën nuk do lejohen të lëvizin", tha Veliu.
Ndalohen 200 persona të cilët kanë histori udhëtimi me Italinë, por që nuk janë vetëkarantinuar, duke u bërë një rrezik serioz për përhapjen e koronavirusit.
Edhe në qytetin e Fierit forcat e policisë dhe të ushtrisë në bashkëpunim me Forcat e Ndërhyrjes së Shpejtë janë stacionuar në kryqëzimet kryesore dhe në qendër. Fokusi i këtyre kontrolleve janë personat e ardhur nga jashtë të cilët duhet të qëndrojnë në vetëkarantinim për 14 ditë dhe të mos dalin jashtë.
Policia dhe ushtria kanë dalë në terren në postblloqe të shumta në qytetet e Vlorës dhe Shkodrës për të kontrolluar dhe identifikuar rastet e mundshme të qytetarëve që nuk po respektojnë vetëkarantinimin, të qëndruarin në shtëpi për 14 ditë nëse kanë ardhur nga Italia apo shtete të tjera të prekura nga COVID-19.
Ushtria ne Vlore
Në Lushnje forcat e ushtrisë ndodhen në patrullim prej orëve të mbrëmjes dhe gjatë ditës së sotme, për të kontrolluar në hyrjet dhe daljet e qytetit së bashku me policinë e rendit nëse personat e ardhur nga Italia janë duke qëndruar në vetëkarantinim apo jo.
Ushtria i bashkohet forcave të policisë së Elbasanit dhe FNSH për kontrollet e personave që duhet të jenë në vetëkarantimin si dhe ndërgjegjësuar qytetarët.
Në çdo patrulle policie do të ketë në përbërje dy pjesëtarë të ushtrisë dhe patrullimi do të kryhet me makinat e drejtorisë dhe komisariatit të policisë Elbasan. Gjatë mbrëmjes policia e Elbasanit mbylli të gjitha lokalet pas orës 19:00.
Drejtori i Policisë së Shtetit, Ardi Veliu i shoqëruar nga efektivë policie dhe ushtarakë të Forcave të Armatosura kanë inspektuar pikat e kontrollit që janë vënë në Tiranë dhe në të gjithë vendin për të respektuar masat ndaj koronavirusit, ndërgjegjësimin e qytetarëve dhe zbulimin e personave që duhet të qëndrojnë në vetëkarantimin.
Ajo që ra në sy ishte se asnjëri prej tyre nuk kishte maska mbrojtëse dhe dorëza, lagësia një metër nga njëri tjetri u thye dukshëm pasi qëndronin ngjitur, dhe madje shmangia e kontaktit fizik nuk u respektuar duke dhënë duart në fund njëri tjetrit.
Ashtu siç ishte paralajmëruar polica do të dilte në terren për të kontrolluar persona që vinin nga jashtë dhe nëse po zbatojnë urdhrin e prerë për vetëkarantinimin për 14 ditë, policia e Lezhës e shoqëruar me forcat e FNSH kanë nisur kontrollet në orët e mbrëmjes, ku pjesë e tyre janë automjetet por dhe autobusë.
Policia ka nisur intervistimin e udhëtarëve dhe sidomos të atyre makinave me targa të huaja, për tu vetëkarantinuar për të parandaluar përhapjen e koronavirusit. Policitë janë të pajisur me maska dhe doreza, ndërsa vijojnë kontrolle në terren por dhe ndërgjegjësimin e qytetarëve.
E njëjta situatë paraqitet dhe në qytetin e Vlorës dhe Shkodrës, ku forcat e policisë vijojnë kontrollet për të zbuluar se kush ka thyer urdhrin e vetëkarantinimit për 14 ditë.
Policia me maska dhe doreza zbret në rrugë për kontrolle ndaj mjeteve me targa të huaja kryesisht nga Italia. Kontrolle edhe ndaj shtetasve shqiptarë ku pyetën për udhëtimin e fundit jashtë vendit duke kontrolluar edhe në sistemin TIMS. Kontrollet zhvillohen me urdhër të drejtorit të përgjithshëm Ardi Veliu.
Të gjithë personat e ardhur nga Italia dhe Greqia, janë të skeduar që në kufi e pikat doganore dhe me urdhër të qeverisë duhet të vetëkarantinohen për 14 ditë, kush e thyen këtë urdhër do të gjobitet me 5 mijë euro.
Kontrollet ne Shkoder
Komente
Lajme të tjera
-
Studimi/ Shqipëria, vendi i 5-të më pak i rreptë përsa i përket gjobave për drejtimin e automjeteve
25 Dhjetor, 12:54 -
Festat e fundvitit, shpërblim për 8 mijë policë! Vendimi brenda javës! Bonus dhe për administratën
25 Dhjetor, 11:17
-
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47
Shqipnija ka 30 vjete ne lufte dhe si ka marr kush ta masa si per virusin.
PërgjigjuMos i lejoni jorgote të vine ne Shqiperi! Mbyllni kufirine!
PërgjigjuScuKari
Mos haro KUREN e KURES se Agios Georgos - Jorgo eshte ai shεnjtor USHTARAK trim qe ne KRistianet e kemi si mbrojtes kunder juve MAHMUTAVE dhe Ahmutave terrorist islamist!