POP 5

Lajmet më të lexuara të 5 minutave të fundit

Sociale

Ushtria me 'mision' për të pastruar Velipojën, Kumbaro: Gati projekti për landfillin e interteve në Bushat

Ka nisur aksioni masiv për pastrimin e Shkodrës, ku krahas vullnetarëve janë angazhuar dhe forcat e ushtrisë. Ministrja Kumbaro, Spiropali dhe kryetari i zgjedhur i bashkisë së Shkodrës, Benet Beci ishin pjesë e kësaj nisme.

Forcat e Armatosura janë angazhuar në fushatën e Ministrisë së Turizmit për pastrimin e territorit.

Eshtë zgjedhur Velipoja për të përcjellë mesazhin e parë për përfshirjen e Shkodrës në skenën kombëtare të pastrimit. Ministrja Mirela Kumbaro e shoqeruar edhe nga Ministrja e Shtetit Elisa Spiropali, kryetari i zgjedhur i bashkisë Shkodër, Benet Beci, kanë marrë pjesë në aksion masiv pranë zonës së Hidrovorit në Velipojë.

”Komunikimi me bizneset, bashkëpunimi me to për mënyrën sesi do të menaxhohen mbetjet të cilat gjenerohen gjatë sezonit turistik kur dyfishohet popullsia është një tjetër kyç i suksesit. Përvojat e mira që kemi dhe në Lezhë për organizimin e kësaj pune  do t’i shpërndajmë edhe në Shkodër do t’i sigurojmë në mënyrë që të mos kemi më nga ata fotot që na i dërgojnë nga të gjitha anët

Sa i takon landfillit te inerteve, Kumbaro tha se po bëhet gati projekti që të vendoset pranë landfillimit të mbetjeve urbane në Bushat.

”Në Landfillin e Bushatit ka nisur aplikimi dhe procesi për investimin e Landfillit të Bushatit për inertet me një aneks të dedikuar. Edhe kjo ecën me zhvillimet në territor. Ne duam zhvillim ka mdërtime,  por ende nuk jemi mësuar që inertet që prodhohen mund të riciklohen dhe te ripërdoren"

Në një postim në facebook kryeministri Edi Rama tha se tashmë me drejtimin e ri të bashkisë së Shkodrës, menaxhimi i Velipojës do të jetë ndryshe.

"Në Velipojën turistike, që me erën e re të menaxhimit të krejt bashkisë së Shkodrës, s’ka për të humbur më asnjë çast pas dekadash të shkuara dëm! Velipoja i bashkohet nismave të pastrimit e të përgatitjes së një sezoni veror më në fund pa plehra" shkruan Rama në facebook.

Aksioni i pastrimit të Shkodrës do të vijojë në zona të tjera të Shkdorës dhe do zgjasë 3 ditë.

 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29