Serbia duhet të rivendosë shërbimin e detyrueshëm ushtarak, tha të enjten ministria serbe e Mbrojtjes. Njoftimi u bë në një periudhë kur tensionet vazhdojnë të përshkallëzohen në rajonin e Ballkanit.
Ministria serbe tha në një deklaratë se propozimi për shërbim ushtarak deri në katër muaj është bërë “me qëllim të rritjes së aftësive mbrojtëse të Forcave të Armatosura të Serbisë, përmes përtëritjes dhe përmirësimit të stërvitjeve të forcave aktive dhe atyre rezervë”.
Në deklaratë thuhet se propozimi i Shtabit të Përgjithshëm të Forcave të Armatosura Serbe u bë pas “një shqyrtimi të hollësishëm situatës së përgjithshme të sigurisë dhe sfidave aktuale me të cilat përballet Republika e Serbisë si një vend ushtarakisht neutral”.
Propozimi thuhet më tej, i është dërguar presidentit serb Aleksandar Vuçiç për shqyrtim, ndërsa nuk thuhet se cila mund të ishte mosha e të rekrutuarve të mundshëm.
Serbia pezulloi shërbimin e detyrueshëm ushtarak në vitin 2011 në mes të përpjekjeve për të profesionalizuar forcat e armatosura. Por vendi tani duket afër rikthimit të shërbimit pas një fushate të gjatë në favor të tij, pavarësisht shqetësimeve se qeveria mund të përballet me vështirësi për të paguar faturën për një rekrutim masiv.
Tensionet kanë qenë të larta në rajonin e Ballkanit që u përball me shpërbërjen e përgjakshme të ish-Jugosllavisë në vitet 1990. Edhe pse zyrtarisht neutrale, ushtria serbe ka mbajtur lidhje të ngushta me Rusinë prej së cilës ka blerë shumicën e armatimeve të saj, duke përfshirë avionë dhe tanke.
Edhe pse zyrtarisht kërkon anëtarësimin në Bashkimin Evropian, Serbia ka refuzuar t’u bashkohet sanksioneve perëndimore kundër Rusisë për shkak të agresionit të saj në Ukrainë.
Tensionet janë të larta rreth Kosovës e cila shpalli pavarësinë në vitin 2008, e cila kundërshtohet nga Serbia dhe aleatet e saj Rusia dhe Kina. Beogradi ka ngritur disa herë gatishmërinë luftarake të forcave të tij në kufirin me Kosovën gjatë disa muajve të fundit.
Serbia ka mbajtur gjithashtu marrëdhënie të mira me NATO-n, trupat paqeruajtëse të së cilës janë vendosur në Kosovë që nga viti 1999, kur aleanca ushtarake perëndimore ndërhyri për të ndaluar shtypjen e përgjakshme të shqiptarëve të Kosovës nga Beogradi.
Një rajon tjetër i paqëndrueshëm është Bosnja, ku një udhëheqës separatist serb ka kërcënuar të shpallë gjysmën e Bosnjës të kontrolluar nga serbët të pavarur dhe ta bashkojë atë me Serbinë fqinje./VOA
Komente
Lajme të tjera
-
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni
25 Dhjetor, 17:25
-
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Sulmi në kanalin Ibër-Lepenc, ambasadori amerikan në Serbi: Nuk ka prova që vërtetojnë autorësinë e Beogradit
23 Dhjetor, 14:27
-
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32
