Serbia vazhdon të provokojë me ushtrinë e nxjerrë në gatishmëri afër kufirit me Kosovën. Në mëngjesin e sotëm janë vërejtur lëvizje të artilerisë së rëndë ushtarake, veprim që ishte paralajmëruar nga ministri i Mbrojtjes së Serbisë, Millosh Vuçeviç.
Dje nuk dha detaje për shkaqet e këtij vendimi, por këtë të mërkurë, ministri Vuçeviç sqaroi se presidenti Aleksandar Vuçiç ka urdhëruar rritjen e gatishmërisë luftarake, pasi disa dronë “kanë hyrë nga Kosova në territorin e Serbisë qendrore”.
Por homologu i tij i Kosovës Armend Mehaj, i mohoi këto deklarata, duke i quajtur një pretekst për rritjen e pranisë së trupave ushtarake në kufi.
Disa media në Serbi transmetuan dje informacione se dronët pa pilotë “po filmonin aktivitete në zonën e sigurisë tokësore dhe në dy kazerma që sipas raportimeve ndodhen në Merdare dhe rrethinat e Rashkës.
Vuçiç ka rreaguar menjëherë duke urdhëruar që “çdo objekt i tillë të eliminohej ose të vihej nën kontrollin serb”.
Këto tensione vijnë në kohën kur në Kosovë po zbatohet plani i Qeverisë së vendit për riregjistrimin e makinave me targa të paligjshme serbe në targa RKS, apo Republika e Kosovës. Ky plan - në tre faza - filloi të zbatohet nga 1 nëntori dhe do të përfundojë deri më 21 prill, 2023. Deri më 21 nëntor Kosova do të zbatojë vetëm masën e qortimit, nëpërmjet një letre të tillë.
Ndërkohë sipas mediave të Kosovës një tjetër mjet që i përket një shtetasi serb është djegur në zonën veriore të vendit të populluar me serbë.
Komente
Lajme të tjera
-
Augustin Palokaj: BE-ja vazhdon të improvizojë me Kosovën
13 Janar, 17:35
-
Lajçak: Këtë javë pritet të mbahet takimi i Komisionit të përbashkët Kosovë-Serbi për personat e zhdukur
13 Janar, 15:13 -
Studentët serbë protestojnë sërish në rrugët e Beogradit
12 Janar, 20:48 -
Vuçiç: Serbia do të ofrojë zyrtarisht organizimin e takimit Trump-Putin
12 Janar, 20:11 -
O’Brien: Kosova e Serbia duhet të ecin përpara për hir të së ardhmes së tyre europiane
12 Janar, 13:52 -
Speciale/ Burrat e Hasit sfidojnë gratë! Gatuajnë flinë 2 metra
12 Janar, 10:41
-
11 vjet nga mbledhja e parë historike e qeverive Kosovë-Shqipëri
11 Janar, 17:47 -
Sanksionet ndaj kompanisë së naftës, DASH i përgjigjet Vuçiçit: S’ka biznes të zakonshëm me Rusinë
11 Janar, 13:28 -
28 parti në garë, nis fushata për zgjedhjet parlamentare në Kosovë
11 Janar, 11:37 -
Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet
10 Janar, 17:38 -
SHBA vendos sanksionet më të ashpra ndaj naftës dhe gazit rus, preken dhe kompanitë serbe
10 Janar, 17:21 -
Lejet për armë bëjnë bum në Kosovë
10 Janar, 17:06
Vetem ndaj civileve eshte e forte ushtria serbe, po kunder civileve qe nuk kane arme.
Përgjigju