Juventus, skuadra kampione e Seria A ka siguruar kualifikimin në raundin me eliminim direkt të Champions League. Në xhiron e katërt të fazës së grupeve bardhezinjtë kanë mposhtur në Torino 2-1 Ferencvaros, ekipin ku luan Myrto Uzuni. Futbollisti i kombëtares gjithsesi e shkroi historinë e tij në këtë sfidë, duke realizuar golin e parë të ndeshjes dhe për më tepër festoi si Cristiano Ronaldo, i cili më pas ishte autori i golit të barazimit. Ai që vendosi ndeshjen ishte Morata në minutat shtesë falë edhe gabimit të portierit mik.
Së bashku me Juventusin, si ekip i parë i grupit G, është kualifikuar edhe Barcelona që mbrëmë mposhti 0-4 Dinamo Kiev. Golat për katalanasit në këtë ndeshje ku mungoi Leo Messi, i realizoi Dest, Braithëaite ‘dopietë’ dhe Griezman.
Ndërkohë edhe dy skuadra në grupin e E, Chelsea dhe Sevillia kanë prerë një biletë për në fazën tjetër dy ndeshje para se të mbyllen grupet. Skuadra londineze e Lampard mposhti 1-2 francezët e Rennes, ndërsa po me të njëjtin rezultat ia doli edhe Sevillia në transfertën ruse të Krasnodar. Pas katër ndeshjesh Chelsea dhe Sevillia kanë nga 10 pikë, ndërsa Krasnodar dhe Rennes janë me një pikë.
Sakaq në grupin F Dortmund dhe Lazio e Strakoshës kanë hedhur një hap të sigurtë drejt turit tjetër. Skuadra gjermane e Dortmund kaloi lehtë 3-0 Club Brugge, falë ‘dopietës’ së Haland dhe një goli magjik të Jadon Sancho-s.
Ndërkohë Lazio, e cila në këtë ndeshje e kishte si zëvendësues Thomas Strakoshën, fitoi 3-1 kundër Zenit. Në Olimpico fillimisht zhbllokoi Immobile me një goditje fantastike nga distance, ndërsa më pas ishte sërish sulmuesi që dyfishoi me penallti. Pas golit të miqve Parolo vulosi gjithçka me një gol nga distance, që ‘vrau’ përfundimisht shpresat e rusëve.
Sakaq edhe Manchester United ka hedhur një hap sigurie në grupin H teksa në Old Traford ka mposhtur 4-1 Basaksehir, ekipin turk që para dy javësh i mposhti anglezët në Stamboll. Ndërkohë në vendin e dytë është ngjitur edhe Paris SG, që kundër Leipzig i mjaftoi goli i Neymar me penallti.
Lajme të tjera
-
Humbja tenistike në Champions League, Qazim Laçi: Ç’të them, gjithçka e gabuar
27 Nëntor, 11:58 -
Në krye të Champions League dhe asnjë gol i pësuar, Inzaghi: Jemi për në finale, krenar për Interin
27 Nëntor, 10:43 -
VIDEO/ Askush s'u beson syve, penalltia skandaloze që u dha në Ligën e Kampioneve
27 Nëntor, 09:59 -
I mërzitur dhe me prerje në fytyrë e kokë, habit Guardiola: Doja të lëndoja veten
27 Nëntor, 09:28 -
Sot Champions League është për ata me zemër të fortë! Liverpool pret Real Madridin, Juve e Dortmund në udhëtim
27 Nëntor, 08:43 -
Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë
26 Nëntor, 22:57 -
Juventusi në emergjencë totale, jashtë Vlahovic dhe McKennie! Weah mundësi për majën e sulmit
26 Nëntor, 15:31 -
E konfirmon trajneri, Ardian Ismajli lë Empolin në janar! Juventus dhe Napoli në garë
26 Nëntor, 13:39 -
Sot Champions League, Milan dhe Barcelona e kanë të lehtë në letër! Inter e City në shtëpi, spikat Bayern Munich - PSG
26 Nëntor, 10:21 -
Legjionarët/ Bitri dhe Shpendi gjejnë golat, Gripshi fiton Kupën! Myrto Uzuni një gol larg historisë, Manaj rikthehet në fushë
24 Nëntor, 21:56 -
GOLAT/ Real Madrid rikthehet 'Galaktik', fiton 0-3 në derbin e vogël dhe kërcënon Barçën! Mbappe gjen rrjetën
24 Nëntor, 20:32 -
Tjetër hap fals, Barcelona barazon 2-2 në Vigo! Celta i shënon dy gola në fund
23 Nëntor, 22:59
