"V' e vaksinave të jetë 'V' e fitores/ Qeveria e Singaporit publikon një video për të nxitur njerëzit të vaksinohen!

Për të mposhtur pandeminë e shkaktuar nga COVID-19,  rruga më e sigurte është vaksinimi e megjithatë shumë qytetarë në mbarë botën po tregohen skeptikë duke mos u vaksinuar.

Në përpjekje për të rritur ndërgjegjësimin e qytetarëve për t’u vaksinuar shumë vende kanë marrë nisma të shumta. E fundit është ajo e qeverisë së Singaporit, pas vaksinimit të një të pestës së popullsisë së tij Singapori po përqëndron fuqitë në fushatat informuese për të vazhduar procesin masiv të inokulimit.

Shteti kohët e fundit u konsiderua si vendi më i mirë në luftën kundër pandemisë dhe ka arritur të mbajë numrin ditor të rasteve nën 50 për muaj. Por videoja e saj më e fundit e shëndetit publik e cila ka krijuar një këngë rap për të nxitur njerëzit të vaksinohen kundër Covid-19, u bën thirrje njerëzve të mos vetë kënaqen.  Protagonistët e klipit janë disa interpretues të 'Phua Chu Kang Pte Ltd', një sitcom i njohur i viteve '90.

Një nga personazhet që shfaqet është komediani Gurmit Singh, i cili luan rolin e Phua Chu Kang, një kontraktor i çuditshëm.

"Së bashku mund të fitojmë. Është koha të vaksinohemi të gjithë. Sepse 'V' e vaksinave duhet të jetë ajo për fitoren", thotë ai. Me këtë video, qeveria e Singaporit dëshiron të lehtësojë shqetësimet e njerëzve në lidhje me rreziqet e mundshme të vaksinave, veçanërisht për të moshuarit ose njerëzit me probleme shëndetësore.

 

 

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS