POP 5

Lajmet më të lexuara të 5 minutave të fundit

Sociale

Vaji i ullirit i Cakranit i preferuar nga italianët e grekët! Rreth 10 mijë ton vaj ulliri u eksportua në shtetet fqinje! Boshatisen magazinat

Për herë të parë këtë vit fermerët e Cakranit në Fier kanë shitur gjithë sasinë e vajit të ullirit të prodhuar në vjeshten e 2022-shit si dhe stokun e mbetur nga vitet e meparshme. Prodhuesit dhe grumbulluesit thanë se vaji i ullirit është eksportuar në Itali dhe Greqi.

Me një prodhim vjetor prej 10 mijë ton, Cakrani është zona më e njohur në Fier për kulturën e ullirit ku janë kultivuar mbi 90 mijë rrënjë, shumica e tyre e varietetit “Kalinjot”. Kujtim Musaraj, një prej prodhuesve në zonë si dhe Ferdinant Korçari, kreu i njësisë së Cakranit thanë për Report TV se gjithë sasia e vajit të magazinuar është eksportuar në Greqi dhe Itali.

“Vitin e kaluar, që ka qenë vit i bollshëm, në këtë zonë u prodhuan 10 mijë ton. Gjithë ky vaj ka shkuar për eksport. 9 fabrikat janë të lidhura me sipërmarrësit e huajit. Prodhimi i pritshëm për këtë vit është më i ulët për shkak të beshërit, pritet rreth 6 mijë ton vaj”, tha Korçari.

Por si funksionon kjo tregti?

Fermerët pasi prodhojnë vajin e ullirit e dorëzojnë në pikat e grumbullimit dhe përpunimit, të cilat e bëjnë gati për eksport. Kompanitë e huaja tregtare pasi kryejnë analizat për cilesine, vijnë me mjetet e tyre tip “bot” dhe furnizohen direkt në fabrikat e Cakranit.

“Shitja në vitet e kaluara ka qenë e vështirë, ndërsa këtë vit kemi pasur shitje dhe fitime të kënaqshme për ne si biznesmenë por dhe për fermeret. Çmimi i shitjes ishte 500 lek/kg. Ka mbaruar gjithë sasia, nuk ka më asnjë litër në fabrikë. Kanë ardhur vetë sipërmarrësit italianë e grekë dhe janë furnizuar me autobotë”, tha Musaraj.

Rritja e kërkesës për vajin e ullirit shqiptar u ndikua nga mungesa e prodhimit në vende, si Spanja, Franca dhe Italia të mbjellat e të cilëve u prekën nga thatësira, ndërsa në vendin tonë prodhimi në 2022 ka qenë tejet i mbarë.

Tashmë magazinat në Cakran të Fierit janë bosh, por brenda 2-3 muajsh pritet të dalë në treg vaji i ri i ullirit.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ulsiu: 31/08/2023 04:00

    vaji shqiptar eshte i mrekullueshem...duhen lidhur kontrata me gjermanine-austrine dhe hungarine...

    Përgjigju
  • Iris: 31/08/2023 00:39

    Nese eshte e vertete kjo qe thua,atehere eshte shume keq.Shteti duhet te mbroje e siguroje ligjerisht marken /Made in Albania/.

    Përgjigju
  • Vaji shqiptar: 30/08/2023 14:58

    Shitet si grek e italian, manipulimi europian

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56