Vajza e biznesmenit në polici:
Rrëmbimin? E bëra për shaka

Nensi Çobo, gjimnazistja që terrorizoi të atin me rrëmbimin e sajuar ka provuar të mbrohet në polici. Para hetuesve ajo ka provuar të kthejë historinë në një shaka për të atin. Burime policore thanë se gjatë marrjes në pyetje ajo ka dhënë element kontradiktorë për të ndërtuar historinë gjë që i ka bërë mosbesues hetuesit ndaj versionit të saj

18-vjeçarja maturante e Petro Nini Luarasit ka pranuar se ka bërë telefonatën dhe i ka kërkuar të atit shumën prej 400 mijë euro, por duke pretenduar se e gjithë kjo histori ka qënë në kuadrin e një shakaje.

Por nga ana tjetër versioni i të dashurit të saj Orion Hoxha e bën më pak të besueshme shakanë dhe hedh dyshime në vërtetësinë e saj. Hoxha sipas policisë rezulton të jetë organizatori i pengëmarrjes së sajuar në mënyrë që të përfitonte shumën e parave për të hapur një lokal.

Ideja e shakasë sipas policisë mund të jetë edhe një sajesë e të dashurit të vajzës që ndoshta ia ka bërë si lojë rrëmbimin e sajuar me kërkesën 400 mijë euro. Megjithatë 18-vjeçarja nuk duket se do t’ia hedhë me shakanë kësaj historie, ajo pritet të dalë para gjykatës për masën e sigurisë bashkë me të dashurin.

Nensi Çobo dhe Orion Hoxha u arrestuan të shtunën pas denoncimit të babait të vajzës. Fillimisht mësohet se vajza ka telefonuar të ëmën dhe i ka thënë se I kishte shpëtuar rrëmbyesve e më pas të atin ku ka përcjellë kërkesën e rrëmbyesve të supozuar për t’u këmbyer me 400 mijë euro


(Në foto Nensi Çobo)

Redaksia online
(S,.M/shqiptarja,com)
 

 
 

TAG:
• OSBE