Vajzat e zhdukura, 20 kg vaj 
 ulliri për të djegur shtëpinë

TIRANE- Një sasi prej 20 kg vaj ulliri dhe një bombël gazi është përdorur me qëllim djegien e banesës të familjes Kajtazi në Durrës. Ky ka qenë konkluzioni i ekspertëve kriminalë të cilët pas kryerjes së verifikimeve, pohuan se autorët ose të dyja motrat kanë përdorur një sasi të madhe vaji që kryefamiljari e kishte blerë pak ditë më parë për përdorim shtëpiak.

Ka qenë pikërisht zjarrëvënia e vajit ajo që ka sjellë më tepër dëmtime në banesë, ndërkohë që fatmirësisht nuk është arritur të marrë zjarr bombola e gazit, pasi mund të kishte më tepër dëmtime në orenditë shtëpiake. Sipas policisë Orialda Kajtazi dhe motra tjetër e mitur 14 vjeç, kishin derdhur në kuzhinë 20 litra vaj ulliri që familja kishte blerë para pak kohësh dhe pranë tij kishin vënë një bombul gazi në mënyrë që ajo të shpërthente pasi t’i vinin zjarrin.

Motrat Kajtazi morën me vete mbi 5 milion lekë dhe prej katër ditësh rezultojnë të zhdukura. Ato akuzohen për disa vepra penale dhe destinacioni i tyre, do të jetë burgu pasi deri më tani prokuroria ka ngritur akuzën e ‘Shkatërrimit të pronës me zjarr”, dhe “Vjedhjes”.

Në jug të Shqipëri
Prej disa ditësh policia e Durrësit nuk ka një të dhënë të saktë mbi vendndodhjen e dy motrave, ndërkohë që nga qelizat telefonike ato rezultojnë në zonën bregdetare të jugut. Verifikime janë kryer dhe në sistemin TIMS, por motra më e madhe Orialda Kajtazi e cila rezulton të ketë pasaportë nuk ka  kaluar asnjë pikë kufitare të vendit. Nisur nga kjo situatë policia e Durrësit ka kërkuar ndihmën e policisë së Vlorës dhe asaj së Sarandës me qëllim kryerjen e kontrolleve në disa hotele të zonës, ku mendohet se strehohen dy motrat.

Pas largimit nga banesa ato kanë marrë dhe një shumë prej 5 milion lekësh të vjetra. Hetuesit, në të njëjtën kohë kanë shoqëruar disa persona të tjerë, që besohet se kanë qenë edhe nxitësit e tyre. Por ndërkohë kanë dalë edhe detaje të reja mbi planin e Orialda Kajtazit, 18 vjeç, dhe motrës së saj të vogël, 14 vjeç për të hedhur në erë shtëpinë. Sipas policisë Orialda Kajtazi dhe motra tjetër e mitur 14 vjeç, kishin derdhur në kuzhinë 20 litra vaj ulliri që familja kishte blerë para pak kohësh dhe pranë tij kishin vënë një bombul gazi në mënyrë që ajo të shpërthente pasi t’i vinin zjarrin.


Shkrimi u botua në Shqiptarja.com (print) në 8 Gusht 2015

Redaksia Online
(d.a/shqiptarja.com)