Vaksinimi/ Përparim Spahiu: Propaganda e Ramës e turpshme, asnjë qeveri në botë s'kërkon mandat se ka vaksinuar njerëzit

Vaksinimi/ Përparim Spahiu: Propaganda e Ramës e turpshme, asnjë qeveri në botë s'kërkon mandat se ka vaksinuar njerëzit

Kryetari i LSI-së në Tiranë, Përparim Spahiu, e ka konsideruar "propagandë" procesin e vaksinimit në vend, ndërsa akuzon qeverinë se po e përdor për fushatën elektorale.

Me një shënim në Facebook, Spahiu thotë se asnjë qeveri në botë nuk mburret dhe nuk kërkon mandat qeverisës se ka vaksinuar njerëzit.

"Shumë vite më parë, kur isha i mitur jam vaksinuar si të gjithë shqiptarët e tjerë.

As Partia e Punës nuk më ka thënë që e kisha jetën prej saj e as prindërit e mi nuk ndjenë nevojën për të falenderuar Partinë që na bënte vaksinat.

Propaganda që po ndodh sot me teorinë “vaksina të mundësuara nga Partia Socialiste” nuk ka ndodhur as në diktaturë.

Jemi në mes të një pandemie, asnjë qeveri në botë përveç kësaj tonës nuk mburret dhe nuk kërkon mandat qeverisës se ka vaksinuar njerëzit.

Kjo, sepse vaksinimi është detyrë funksionale e shtetit ndaj qytetarit, jo nder i madh e i pashëmbullt që e ofroka Partia.

KM bën mirë ta ndërpresë këtë fushatë të turpshme që tall inteligjencën e shqiptarëve.

Por, nëse nuk e ndërpret, do të marrë vesh më 25 prill se jetën shqiptarit nuk ja jep Partia, por prindërit dhe Zoti", shkruan Spahiu.

Ky reagim i tij vjen pas kritikave të ashpra të kryeministrit Edi Rama ndaj fushatës së opozitës, ku tha se "nëse doni që vaksinimi të ndërpritet votoni ata".

 


Lajmi kryesor:

'Berisha thotë se vaksina të vdes', Rama: E pafalshme që Basha nuk flet! Nëse doni që vaksinimi të ndërpritet votoni ata! PD i përgjigjet: Ti s'ke frikë nga COVID por nga shqiptarët


  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin

'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin