POP 5

Lajmet më të lexuara të 5 minutave të fundit

Bota

Vala e protestave shtrihet edhe në Portugali, fermerët organizohen nëpërmjet rrjeteve sociale, bllokojnë rrugët që lidhin vendin me Spanjën

Vala e protestave të femerëve evropianë është shtrirë edhe në Portugali që prej ditës së djeshme, e enjte (1 shkurt).

Vala e protestave shtrihet edhe në Portugali, fermerët organizohen nëpërmjet rrjeteve sociale, bllokojnë rrugët që lidhin vendin me Spanjën

Protesta në Portugali

Fermerët portugezë përdorën traktorë për të bllokuar të paktën tre rrugë që lidhin Portugalinë me Spanjën të enjten, duke iu bashkuar protestave në mbarë Evropën për një sërë ankesash, nga importet më të lira deri te ndihma e pamjaftueshme shtetërore dhe burokracia.

Qeveria njoftoi të mërkurën ndihmë urgjente me vlerë 500 milionë euro për fermerët që të përpiqen të shmangin llojin e protestave masive që shkaktojnë përçarje në Francë dhe Bruksel, por një grup i vogël fermerësh, duke u ndjerë të nën-përfaqësuar në diskutimet publike për këtë çështje, kontaktuan njëri-tjetrin dhe u organizuan nëpërmjet rrjeteve sociale.

Qindra fermerë me traktorë dhe automjete të tjera u nisën ngadalë drejt katër pikave kryesore të kalimit për në Spanjën fqinje.

Policia rrugore GNR tha se dy autostrada portugeze ishin prerë në të dy drejtimet afër kufijve me Spanjën, në Vilar Formoso në veri dhe Caia në jug, si dhe një autostradë më e vogël kombëtare në rajonin e Alentejo. Mediat e huaja raportojnë se protestat ishin paqësore dhe nuk pati asnjë përdorim të forcës pavarësisht bllokimeve.

"Fermerët janë trajtuar shumë keq në vitet e fundit në Portugali," tha Jose Martins, një fermer që protestonte në Caia, duke përmendur shkurtimet e subvencioneve. "Unë nuk mendoj se kjo është mënyra për t'u marrë me njerëzit, fermerët janë një forcë shumë e fortë në këtë vend."

Fermerët janë ankuar se qeveria po reduktonte ndihmën për bujqësinë organike dhe të përzier.

"Lëvizja jonë është qytetare dhe jopartiake dhe synimi ynë është të tërheqim vëmendjen te problemet e sektorit, jo të bllokojmë vendin," tha Ricardo Estrela, i cili drejtoi protestat në Vilar Formoso.

Në Francë, ku fermerët kanë protestuar prej javësh, qeveria ka hequr dorë nga planet për të reduktuar gradualisht subvencionet për naftën bujqësore dhe ka premtuar më shumë ndihmë.

Protestat janë përhapur në Spanjë, Itali dhe Belgjikë, ku fermerët hodhën vezë dhe gurë në Parlamentin Evropian.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Fatos Çoçoli: Viti i pagave dhe pensioneve

Fatos Çoçoli: Viti i pagave dhe pensioneve

18 Dhjetor, 13:49 nga Fatos Çoçoli