POP 5

Lajmet më të lexuara të 5 minutave të fundit

Politikë

Valdrin Pjetri ende pa dhënë gjurmët e gishtërinjve, Prokuroria i përgjigjet PD: Nuk kemi neglizhuar

Burime për Report Tv bëjnë  me dije se pavarësisht se Prokuroria ka kërkuar gjurmët e gishtërinjve të Valdrin Pjetrit ai ende nuk është paraqitur për të kryer këtë proces por pritet ta bëjë në ditët në vijim. 

TIRANË- Burime për Report Tv bëjnë me dije se Valdrin Pjetri i cili u tërhoq nga posti i kryetarit të Bashkisë së Shkodrës për shkak të akuzave për një dënim të dhënë nga shteti italian ndaj tij për lëndë narkotike, nuk është paraqitur të japë shenjat e gishtërinjve në Prokurorinë e Përgjithshme edhe pse këta të fundit kanë lëshuar një kërkesë më datën 09.08.2019.

“Më datë 09.08.2019, shtetasit Valdrin Pjetri i është kërkuar të depozitojë gjurmët e tij daktiloskopike pranë Institutit të Policisë Shkencore." thuhet në reagimin e Prokurorisë.

Ndërkohë Pjetri pritet që të paraqitet në ditët në vijim pranë Institutit të Policisë Shkencore për të dhënë gjurmë. Shenja këto që do të bëjnë të mundur krahasimin me gjurmët në Itali nëse ai ka qenë i dënuar apo jo. Ndërkohë burime për Report TV bëjnë me dije se Pjetrit ka shkuar në Itali ndërkohë që ditën e sotme është kthyer/

Kërkesën për të marrë gjurmët e gishtërinjve e ka bërë publike vetë Prokuroria e Përgjithshme me anë të një përgjigje drejtuar Partisë Demokratike në kuadër të kërkesës që këta të fundit bënë për tu informuar mbi procedurat e verifikimit që ka nisur për Pjetrin dhe rezultatet e deri tanishme të këtij verifikimi. Sipas PD, organi i akuzës ka vepruar me vonesë, duke mos marrë parasysh dokumentet që ata kanë nxjerrë rreth 2 javë më parë. Ndërsa Prokuroria e Përgjithshme ka publikuar datat e verifikimit për Pjetrin. Ky i fundit u zgjodh si kryebashkiak i ri i Shkodrës me 30 qershor por pas akuzave të PD ai u tërhoq nga posti për t'u përballur me ligjin si qytetar.

Në përgjigjen e Prokurorisë së Përgjithshme theksohet se procesi i verifikimit ndaj Valdrin Pjetrit ka nisur që më datë 6 gusht 2019 ku janë kërkuar të merren edhe gjurmët e gishtave.

PD ndaj Pjetrit ka hedhur akuza se ai është dënuar më parë në Itali për shpërndarje të lëndëve narkotike, akuza këto të hedhura poshtë nga Valdrin Pjetri. Për sa u përket verifikimeve jashtë territorit të Shqipërisë, Prokuroria e Përgjithshme njofton se më datë 06.08.2019, ka dërguar pranë Drejtorisë së Bashkëpunimit dhe Koordinimit Ndërkombëtar pranë Drejtorisë së Policisë së Shtetit, si dhe pranë Ministrisë së Drejtësisë kërkesën për verifikim të mëtejshëm nga autoritetet e drejtësisë italiane, duke iu kërkuar këtyre të fundit vënia në dispozicion e çdo lloji vendimi penal të dhënë nga gjykata, vendim për masa sigurimi personale apo vendime dëbimi, në emër të Valdrin Pjetrit.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Guri: 16/08/2019 18:13

    Ja avash avash sa ti bjere rruga Valdrinit nga prokuroria ndonje dite.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51