Vala e infektime me COVID-19 që ka përfshirë vendin tonë, pritet që të zgjasë dhe për të paktën 3 javë sipas specialistit të Shëndetit Publik, Artan Simaku. Mjeku argumenton se pesha e situatës epidemike në vend matet me pacientët e shtruar në spital.
“Rritja ka ardhur, nga eksperienca që COVIDI përhapet në formë valësh. Aktualisht jemi në valën e stinës së verës që parashikohet të zgjasë dhe 2-3 javë dhe për të ardhur në një valë tjetër të vjeshtës dhe dimrit. Ky trend parashikohet të jetë në rritje 2-3 javët në vijim.Fluksi dhe turizmi nuk luajnë rol të rëndësishëm, por për shkak të qarkullimit të shtamës BA4 dhe BA5, që është dyshim. Nuk ka rëndësi numri i rasteve ditore, por numri i shtrimeve ditore.. “, shprehet Simaku.
Nga eksperiencat e mëparshme, kjo valë sipas Simakut, është normale dhe nuk ka ndikim nga sezoni i turizmit . Me ardhjen e vjeshtës, Simaku thotë se nuk përjashtohet që të kemi mutacione të reja të COVID.
“Valët janë gjithmonë më të dobëta, nga % e vaksinimit dhe imunitetit natyral. Nuk përjashtohet që me ardhjen e vjeshtës dhe dimrit të kemi mutacione të tjera. Fluksi dhe turizmi nuk luajnë rol të rëndësishëm, por për shkak të qarkullimit të shtamës BA4 dhe BA5, që është dyshim.”, shtoi ai.
Mbi 25 vjeç janë grupmoshat më të prekura gjatë kësaj kohe, ndërsa mjeku Simaku evidenton edhe qytetet më të prekura.
“Në hartën e personave të infektuarve janë nga të gjitha grupmoshat. Numri më i lartë është mbi 24 vjeç, ndërsa në veçanti tek grupmosha 65-74 vjeç. Rreth 5-6 bashki të vogla janë “COVID free”. Përveç vaksinimit që është mjeti kryesor i parandalimit, theksoj doza e tretë, masat duhet të vazhdojnë të respektohen. Ditancimi fizik, mbajtja e maskave në ambiente të mbyllura. Secili duhet të japë kontributin e vet në eliminimin e pandemisë. Rreth 5-6 bashki të vogla janë “COVID free”, thotë ai
Nisur nga numri i lartë i infektimeve me COVID-19, në vendin tonë, specialistët e Institutit të Shëndetit Publik u bëjnë thirrje qytetarëve që të vaksinohen, pasi është i vetmi mjet për frenimin e këtij virusi.
“Këmbëngulim që këta persona të vaksinohen, pasi janë të pa vaksinuar ose të vaksinuar vetëm me një dozë. Edhe personat e shtruar në spital mbi 95% janë të pa vaksinuar, ose vetëm me një dozë. Ndaj këmbëngulim që është shumë e rëndësishme vaksinimi si dhe me dozën e tretë. Të mbron nga format e rënda, nga shtrimi në spital dhe të mbron dhe nga vdekja”, thotë Simaku.
Lajme të tjera
-
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15 -
Ministrja Koçiu: 80 mijë pushues morën shërbim në qendrat shëndetësore verore
16 Tetor, 14:47
