Vangjel Dule: Lironi Fredi Belerin, është i burgosur politik

 

Nga seanca e Kuvendit, deputeti Vangjel Dule, kërkoi lirimin e menjëhershëm të Fredi Belerit, kandidatit fitues në Himarë, i cili sipas tij po mbahet peng si i burgosur politik.

“Fredi Beleri është i trembur, i burgosur politik, i marrë peng nga Kryeministri Edi Ramës. Fjalën e ka drejtësia por ka edhe një logjikë opinioni. Beleri është arrestuar në flagrancë për dyshime. E kupton absurditetin? Flagrancë kërkon provën e drejtpërdrejtë, ndërsa dyshimi jo. Rama kërcënoi dhe tha se do ta ketë personalisht me ta. Si mund ta ketë Kryeministri me disa njerëz? Nuk ka institucione ky vend? Fredi Beleri duhet të lirohet dhe të shkojë në komunitetin e tij. Është marrë peng edhe Pandeli Kokaveshi, me të njëjtat akuza. Është një i ri i cili ka bërë transplant zemre. Edhe pse i kam njoftuar të gjitha se atij i rrezikohet jeta ai vazhdon të mbahet peng. Në Himarë më të vjetrit më kujtonin 1945, edhe atëherë votuan kundër regjimit. Edhe atëherë u syrgjynosën. Ku po e çoni vendin? Deri sa do ta mbështesni një autokritikat i cili po e zhyt në errësirën e Tiranës vendin”, tha Dule.  

LEXO EDHE:
Mbytja e nënës me fëmijët në Shkodër, Balla: Policia ka dyshime të forta se dhuna në familje dhe presioni e kanë shtyrë drejt aktit tragjik

Lajmi kryesor:

Opozita akuza PS-së: Vodhët zgjedhjet! Balla: Foltores së Berishës i ka mbetur shkopi pa flamur! Miratohet marrëveshja për ndërtimin e Urës së Bunës

K.T./r.k./Shqiptarja.com

TAG:
• Kuvendi i Shqiperise
• ura e bunes
• mali i zi
• taulant balla