POP 5

Lajmet më të lexuara të 5 minutave të fundit

Bota

Varianti delta përhapet me shpejtësi, Hungaria do të ofrojë për qytetarët një dozë të tretë përforcuese të vaksinës anti-COVID

Hungaria do të ofrojë mundësinë e marrjes së një doze të tretë të një vaksine anti-COVID, nga 1 gushti dhe do të bëjë të detyrueshëm vaksinimin e punonjësve të shëndetësisë.

Varianti delta përhapet me shpejtësi, Hungaria do të ofrojë për qytetarët një dozë të tretë përforcuese të vaksinës anti-COVID

Një vajzë duke bërë vaksinën anti-COVID

HUNGARI- Hungaria do të ofrojë mundësinë e marrjes së një doze të tretë të një vaksine anti-COVID, nga 1 gushti dhe do të bëjë të detyrueshëm vaksinimin e punonjësve të shëndetësisë.

Lajmin e bëri të ditur kryeministri hungarez, Viktor Orban i cili theksoi faktin se do të jenë mjekët ata të cilët do të kujdesen se cilën dozë do të marri çdo qytetar dhe vetëm 4 muaj pasi, kanë marrë dozën e dytë.

Hungaria një vend me afërisht 10 milionë banorë, përveç vaksinave të aprovuara nga EMA, ka përdorur gjerësisht dhe atë ruse dhe kineze, duke u bërë vendi i parë në BE që i ka miratuar ato.

Deri ditën e djeshme, në Hungari kanë marrë vaksinën anti-COVID më shumë se 5.55 milionë qytetarë.

Megjithëse procesi i vaksinimit është ngadalësuar javët e fundit, Orban tha se në ditët e para të shtatorit, përpara se të fillojë viti shkollor, vaksinat do t’u ofrohen fëmijëve nga 12 deri në 16 vjeç, gjë që konsiderohet një sukses për fushatën e vaksinimit.

Ideja për një dozë të tretë ka ardhur teksa dhe varianti delta po përhapet me shpejtësi marramendëse, duke u bërë një shqetësim për botën.

Propozimi fillimisht ka ardhur nga kompania farmaceutike e Pfizer, sipas së cilës një dozë e tretë përforcuese do të ishte e nevojshme për të “luftuar” plotësisht COVID-19.

Megjithëse OBSH dhe FDA e kanë konsideruar një gjë të tillë të panevojshme, Hungaria sërish ka “dal kundër” dhe do të injektojë një dozë të tretë të vaksinës anti-COVID.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33