TIRANË-Shqipëria i shtohet listës së shteteve që kanë marrë vendimin për të pezulluar fluturimet me Britaninë e Madhe, për shkak të shfaqjes së një varianti të ri të COVID-19. Ky vendim do të hyjë në fuqi në orën 06:00 të datës 24 dhjetor dhe do të jetë në zbatim për të paktën deri në 6 janar 2021, në varësi se si do të paraqitet situata e COVID. Për ata qytetarë që do të vijnë nga Britania e Madhe përmes rrugëve të tjera e kanë të detyrueshme të karantinohet për 14 ditë.
Ndryshime do të ketë edhe në orën policore. Kështu nga data 24 dhjetor deri më 4 janar qytetarët janë të detyruar që të futen në shtëpitë e tyre para orës 20:30, jo 22:00 siç është aktualisht, në të kundërtën do të gjobiten sipas aktit Normativ që është në fuqi. Më pas, në 5 janar do të rikthehet ora policore 22:00. Për rrjedhojë, nisur nga ky kufizim i lëvizjes së qytetarëve, edhe baret dhe restorantet, të konsideruara nga Komiteti Teknik i Ekspertëve si një vatër e rrezikshme e përhapjes së infeksionit, do të hapen në orën 06:00-20:30.
"Sa më sipër, duke marrë në konsideratë rekomandimet e Komitetit Teknik, për të kufizuar më tej riskun e përhapjes së infeksionit si dhe riskut të lartë të shkaktuar nga varianti i ri i Sars Cov2, kemi vendosur: Pezullimin e fluturimeve me Britaninë e Madhe, duke filluar nga ora 06:00 e ditës së martë, date 22 Dhjetor, deri në datë 06 Janar. Po ashtu vendoset masa e karantinës së detyrueshme 14 ditore për qytetarët që hyjnë nga Britania përmes rrugëve të tjera. Vendosja e izolimit të detyrueshëm 14 ditor vjen si një masë paraprake, për të shmangur këtë infeksion apo mutacion të ri të Sars-Covi2”, deklaroi ministrja Manastirliu.
Ashtu siç është bërë e ditur dhe më herët, këto do të jenë pushimet dimërore më të gjata për fëmijët. Shkolla do të mbyllet më 24 dhjetor dhe do të nisë më 11 janar, e ndërsa ministrja e Shëndetësisë, Ogerta Manastirliu bëri me dije sa i përket çerdheve dhe kopshteve nuk ka një parashikim për kufizimin e datave të hapjes dhe do jetë si vitet e tjera.
Mes gjithë frikës dhe panikut që ka paraqitur shfaqja e variantit të ri në COVID, ku sipas ekspertëve përhapet më me shpejtësi, lajmi i mirë është se vaksinat që kanë dalë në treg funksionojnë edhe ndaj tij.
Lista e shteteve që kanë pezulluar fluturimet me Britaninë e Madhe
Shqipëria
Itali
Holanda
Belgjika
Gjermania
Austria
Franca
Irlanda
Bullgaria
Finlanda
Danimarka
Shefja e Departamentit të Sëmundjeve infektive në ISHP Silva Bino ka folur për llojin e ri të COVID që është shfaqur ditët e fundit në Britaninë e Madhe. Ajo shtoi se deri më tani nuk paraqiten të dhëna se ky lloj virusi është më i rëndë se i pari, duke shtuar se ka të njëjtën sjellje si virusi bazë.
"Sa i përket virusit të identifikuar nga autoritetet e Britanisë së Madhe dua të them se është identifikuar nga Angli dhe më pak në Ëells. Është identifikuar në Danimarkë në Hollandë ka pasur raste. Deri më tani nuk ka të dhëna që ai paraqet doza të rënda të sëmundjes. Nga të dhënat që kanë tani. Bëhet fjalë për 108 persona të cilat i kanë vlerësuar.
Deri tani nuk vërehen të dhëna që ky virus të ketë shkaktuar riinfeksione të ketë një sjellje të ndryshme. Ky variant ka të njëjtën sjellje si virusi bazë. Nuk kemi të dhëna. Por ata kanë vendosur një sistem monitorimi në lidhje me irinfeksionet. Këto janë të dhëna që ne duhet ti marrim parasysh në lidhje me çështje te tjera", tha Bino.
MInistrja Manastirliu në komunikimin me mediat, e shoqëruar nga përfaqësues të Komitetit Teknik të Ekspertëve, u shpreh se do të kufizohet aktiviteti bareve e restoranteve nga ora 20:30-06:00 nga data 24 dhjetor deri me 4 janar. Nga data 5 janar do rikthehet kufizimi ne oren 22:0-06:00
Manastirliu apeloi të shmangen udhëtimet jo thelbvësore dhe aktivitetet jo thelbësore.
Lajmi i mirë sipas Manastirliut tha se është fakti që vaksina funksionon edhe për variantin e ri të koronavirusit.
Komente
Lajme të tjera
-
Financim nga qeveria, do rehabilitohen 5 shkolla në Shkodër, Rama: I ndryshojmë faqe infrastrukturës arsimore
20 Prill, 14:22 -
Karta e Studentit edhe në Bashkinë e Kamzës, Manastirliu: Shërbime falas për studentët e Universitetit Bujqësor
27 Mars, 13:27 -
DENONCIMI: WizzAir lë 200 shqiptarë në aeroportin e Pragës (Video)
25 Mars, 20:44 -
Nis 'Java e Parasë', Sejko: Aktivitete për menaxhimin dhe mbrojtjen e parave! Teknologjia rrezik për mashtrimin financiar
18 Mars, 14:57
-
Miratohet statusi i veçantë, Ministrja e Arsimit: Buxhet i dedikuar për shkollat me drejtim artistik dhe sportiv
13 Mars, 12:36 -
U dëmtua nga tërmeti, shkolla ‘26 Nëntori’ rihap dyert, Veliaj: Sot kemi institucione shumë herë më të mira se privati
7 Mars, 12:03 -
VIDEO/ Hap dyert në prag të 7-Marsit shkolla 'Skënder Libohova' në Lushnje, Rama bën kosh në fushën e basketbollit
6 Mars, 17:10 -
Tiranë, përurohet shkolla e re “Bedri Llagami” në Vaqarr, Veliaj: Fillojmë lotin tjetër! Ministrja: Nga korriku, rriten pagat për mësuesit
5 Mars, 12:18 -
Manastirliu në Universitetin e Sporteve: Gati investimi për pistën e re të atletikës
4 Mars, 15:25 -
Vijojnë në njësinë nr.9 anëtarësimet në Partinë Socialiste, Veliaj: Në familjen tonë më të mirët
2 Mars, 16:09 -
Sot Dita ndërkombëtare e Gjuhës Amtare, ministria e Arsimit: Më 12 mars fillon konkursi kombëtar për Gjuhën Shqipe
21 Shkurt, 10:19 -
Ministrja Ogerta Manastirliu në SPAK, pyetet për 2 orë si person që ka dijeni për Koncesionin e Sterilizimit
19 Shkurt, 17:39
Ty dhe kush te ka keshilluar ty,ju rafte gjeja me e keqe qe nuk mendoni per njerzit qe preken nga kjo. Vdekshi
PërgjigjuPo kta ngelen tu kopju. E dha italia rregullin. Opaaa del Rama me planin e ri.
PërgjigjuQë të kini me çfarë të merreni edhe në 2021-in. Pse, çfarë menduat ju, mbaroi 2020 dhe shpëtuam ja hodhëm, ska më maska, ska më karantinë?? Ja që u gabuat, tani kemi variantin e ri të virusit.
Përgjigjui pytje...po nga ora 06:00 - 20:30 virusi bo gjo pushim e???
PërgjigjuNga 6 deri ne20:30 viruset Covid mblidhen te pazari e han paçe. Pas ores 20:30 dalin nga blloku per te gjujt. Per vitn e ri e kan planin ndryshe. Deri ne 24:00 festojne me shpis e pastaj dalin ne pub per tju ngjit ndonjerit.