Varri masiv në Izjum të Ukrainës, shefi ushtarak: Viktimat ishin lidhur, u kishin thyer kockat dhe ishin djegur

Ka përfunduar zhvarrosja e trupave në një prej varreve masive të zbuluara në Izjumit, zonë të cilën e ka rimarrë në kontroll Ukraina. Shefi ushtarak i rajonit ukrainas të Harkivit, Oleh Synyehubov, tha se u zhvarrosën 436 trupa.

“Disa trupa kishin litar përreth qafës, duar të lidhura, gjymtyrë të thyera dhe kishin edhe shenja të djegies. Disa burrave u ishin prerë organet gjenitale. Të gjitha këto janë tregues të torturës që pushtuesi ka kryer ndaj banorëve të Izjumit. Shumica e trupave ishin të civilëve, 21 të personelit ushtarak”, shkroi Synyehubov në rrjetin social Telegram.

LEXO EDHE:
Sulm me dron në portin rus, raportohet për viktima dhe të plagosur

Ai po ashtu tha se të paktën tre varreza të tjera masive janë zbuluar në Izjum, dhe të tjera në rajonin e Hersonit, duke shtuar se operacionet për këtë çështje ende po vazhdojnë.

Lajmi kryesor:

Zona ukrainase të pushtuara nga Rusia, Moska organizon sot referendume! Thirrja e Zelensky-it për rusët: Protestoni kundër mobilizimit për luftë

SI.E./Shqiptarja.com

TAG:
• lufta ne ukraine
• rusia sulmon ukrainen
• Volodymyr Zelensky
• vladimir putin