Një një atmsosferë tejet të tensionuar është zhvilluar sot ceremonia e varrimit të shkencëtarit të lartë bërthamor iranian, Mohsen Fakhrizadeh, i cili u vra në një sulm, për të cilin Teherani e ka fajësuar armikun e tij të madh, Izraelin.
Televizioni shtetëror transmetoi ceremoninë më 30 nëntor, duke treguar arkivolin e Fakhrizadeh, të mbështjellë me një flamur iranian në një zonë jashtë ministrisë së Mbrojtjes në Teheran.
Të pranishëm në ceremoni ishin shumë zyrtarë të lartë, ndër ta edhe ministri i Mbrojtjes, Amir Hatami. Fakhrizadeh u vra në një pritë të stilit ushtarak më 27 nëntor në periferi të Teheranit.
Asnjë vend nuk ka marrë përgjegjësinë për vrasjen, e cila është parë si një përpjekje për të përçarë Teheranin ndaj çdo përpjekjeje për të prodhuar armë bërthamore edhe pse shteti islamik vazhdon të insistojë se është për qëllime civile.
"Armiqtë e dinë dhe unë, si ushtar, u them atyre se asnjë krim, asnjë terror dhe asnjë veprim i çmendur nuk do të mbetet pa përgjigje nga populli iranian", tha Hatami në ceremoni.
Pavarësisht thirrjeve për hakmarrje, një zëdhënës i qeverisë iraniane tha se procesi i diplomacisë është ende i mundur.
Më parë, Presidenti iranian Hassan Rouhani theksoi se vendi do të kërkojë hakmarrjen në "kohën e duhur" dhe nuk do të ngutet dhe të bie në "grackë".
Rouhani shihet si një nga figurat më të moderuara në vend, dhe ka të ngjarë të angazhohet në zbatimin e marrëveshjes bërthamore të arritur më 2015 mes Iranit dhe gjashtë fuqive botërore, përfshirë Shtetet e Bashkuara, të cilat pritet të ndryshojnë pas ardhjes në krye të Shtëpisë së Bardhë të Joe Biden.
Shumë shtete dënuan vrasjen, duke përfshirë edhe vendet që shpesh shihen si rivalë të Iranit.
Emiratet e Bashkuara Arabe më 29 nëntor e quajtën vrasjen një "krim të rëndë", si dhe u bënë thirrje "të gjitha palëve të ushtrojnë vetëpërmbajtje për të shmangur tërheqjen e rajonit në nivele të reja të paqëndrueshmërisë dhe kërcënimit të paqes".
Ministri i Jashtëm i Omanit Badr al-Busaidi i tha homologut të tij iranian Mohammad Javad Zarif se Omani dënojnë rëndë aktin dhe se ai bie ndesh me ligjet humanitare dhe ndërkombëtare.
Një deklaratë më 29 nëntor nga Bashkimi Evropian e përshkroi incidentin si vrasjen e "një zyrtari të qeverisë iraniane dhe disa civilëve", megjithëse nuk ishte e qartë nëse kishte civilë të vrarë në sulm.
Lajme të tjera
-
Kompleksi ushtarak do ndërtonte armë bërthamore, si Izraeli shkatërroi bazën 'top sekret' të Iranit në mes të shkretëtirës
16 Nëntor, 11:00 -
Kreu i Agjencisë Ndërkombëtare i Energjisë Atomike viziton zonat bërthamore nëntokësore të Iranit
15 Nëntor, 18:39 -
FBI arreston një të dyshuar për publikimin e të dhënave amerikane për planet e Izraelit për sulm kundër Iranit
13 Nëntor, 21:05 -
Studentja e Iranit shkon e zhveshur në universitetin islamik, arrestohet (VIDEO)
4 Nëntor, 13:47 -
Si do të ndikojë rezultati zgjedhor në politikën e Uashingtonit ndaj Iranit?
4 Nëntor, 08:59 -
Iran/ Arrestohet studentja pasi del gjysmë e zhveshur në oborrin e universitetit
3 Nëntor, 11:29 -
Media amerikane: Irani do të sulmojë Izraelin në ditët e ardhshme! UNICEF: 50 fëmijë të vrarë në 48 orët e fundit në Gaza
2 Nëntor, 18:43 -
Lufta në Ukrainë/ Ushtria ruse fillon stërvitjet në sektorin e armëve bërthamore! Media : Ushtarë të Koresë së Veriut kanë zbarkuar në Ukrainë
29 Tetor, 17:26 -
Lufta/ Kamioni përplaset me një stacion autobusi pranë Tel Aviv, 1 i vdekur e dhjetra të plagosur! Media: Shoferi u vra nga civilët e armatosur! Dyshohet për sulm terrorist
27 Tetor, 08:17 -
Shtetet e Gjirit Persik paralajmërojnë për përshkallëzim pas sulmeve ndaj Iranit
26 Tetor, 13:50 -
Zgjedhjet në SHBA/ Inteligjenca amerikane: Rusia, Kina dhe Irani synojnë përçarjen e votuesve para zgjedhjeve
22 Tetor, 22:21 -
Analistët: Izraeli përpiqet të krijojë përçarje në Liban për të izoluar Hezbollahun
19 Tetor, 16:58
