Rrëshqitje dherash e inertesh nga Bypass, shembet rruga nacionale Vlorë-Orikum, dëme dhe në biznese! Hapet qarkullimi për automjetet, por vetëm me një sens

Vërshimi i dherave, gurëve e baltës nuk ka të ndalur....

Një masiv tejet i madh inertesh është shkëputur nga mali i Shushicës dhe ka përfunduar në rrugën nacionale Vlorë-Orikum...

Siç shihet në pamje është dëmtuar shtrati i rrugës në vendin e njohur si Jonufri.

Shembja ka nisur pasditen e së enjtes dhe në orët e mbrëmjes rrezikoi jetën e drejtuesve të mjeteve, pasi makinat u mbuluan nga balta.

Këtë të premte rruga nacionale që lidh Vlorën me Himarën dhe Sarandën është e kalueshme me vështirësi vetëm me një sens.

Prefekti i Vlorës, Flamur Mamaj thotë se kjo situatë e jashtëzakonshme ka ardhur si pasojë e reshjeve të shiut.

"Po presim të përmirësohen pak kushtet e motit që të ndërhymë me mjete. Situata është shkaktuar nga reshjet e jashtëzakonshme të shiut. Reshje të tilla kaën shkaktuar gjithmonë probleme në këtë aks, është aks i rrëshqitshëm dhe sipërfaqet e malit janë të tilla që krijojnë probleme me rrëshqitjen e dheut. Shpresojmë që situata të vijë duke u përmirësuar", shprehet Mamaj.

Banorë të zonës dhe pronarët e bizneseve kanë pësuar dëme të shumta.

"Kemi biznesin poshtë, balta e ka mbytur fare. Shteti duhet të marrë masa, kjo histori nuk ka ndodhur ndonjëherë, është katastrofë. Biznesi është i mbushur me baltë", thotë një banorë i zonës.

Jashtë kamerës ata thanë se kjo përmbytje dhe shembje masive ka ardhur si pasojë e inerteve të grumbulluara në malin e Shushicës gjatë punimeve për "By Pass" e Vlorës. Gjithashtu ka dyshime se kompanitë e ndërtimit kanë depozituar inerte të shumta pranë malit të Shushicës dhe në kodrat përreth për të shmangur pagesat në vendgrumbullimet e mbetjeve.

Rendit zhvillimet sipas orarit:
Ora 15:21
Inertet bien nga Bypassi në rikonstruksion në rrugën Vlorë-Orikum, pushtohet nga balta aksi

Siç shihet dhe në pamjet që transmeton REPORT TV masivi i inerteve ka rënë nga bypass-i Vlorës, i cili është në rikonstruksion dhe ka shumë dhera të depozituara sidomos tek ballkonet panoramike. Për shkak të reshjeve inertet kanë rënë në përrua e prej andej kanë përmbytur me baltë aksin nacional Vlorë-Orikum. Përpos dëmit kolosal në cedimin e shtratit të rrugës së vjetër Vlorë-Orikum dhe bizneseve përreth, e gjithë kjo baltë ka shkaktuar ndotje të madhe dhe në det.

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pupu: 10/12/2021 14:34

    Mase do zoti i ve posht te gjithe. Qelbesirat ibzune te gjitha me prrua me kanale me ndertime. Do ju denoj nena natyre

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Arratisja e madhe në Ambasadën Greke, 17 qershor 1990, Në 'Esencë' Bujar Aliko! Sot ora 21:00 në Report Tv

Arratisja e madhe në Ambasadën Greke, 17 qershor 1990, Në 'Esencë' Bujar Aliko! Sot ora 21:00 në Report Tv