POP 5

Lajmet më të lexuara të 5 minutave të fundit

Kronikë

Vazhdon aksioni ndaj fishekzjarreve dhe lëndëve plasëse; kontrollohen në më pak se një javë 1136 subjekte, 3 dërgohen në Prokurori (VIDEO)

Policia e Shtetit vazhdon kontrollin në të gjithë vendin për sekuestrimin dhe heqjen nga tregu të kapsollave me lëndë plasëse si dhe të fishekzjarreve të rrezikshme. Në më pak se një javë janë kontrolluar 1136 subjekte, nga ku tre prej tyre janë dërguar në Prokurori për t'u vlerësuar nëse kanë konsumuar apo jo vepra penale.

 Tre subjekte tregtare janë dërguar në Prokurori, pas kontrollit të ushtruar në të gjithë vendin nga Policia e Shtetit për heqjen e kapsollave dhe fishekzjarreve të rrezikshme. Pasi ka bllokuar 643 kapsolla dhe 487 fishekzjarre, Policia e Shtetit është ndalur edhe tek masat shtesë të ligjit për sigurinë publike; nëse subjektet tregtare kanë sisteme sigurie kamerash dhe pajisjet e fikëseve të zjarrit.

Përgjatë kontrollit të ushtruar në më pak se një javë, kanë kaluar në filter 1136 subjekte tregtare (dyqane, markete, supermarkete, tregje të shumicës). Ky kontroll i territorit për heqjen nga tregu të materialeve piroteknike, që përdoren masivisht në festat e fundvitit, vjen pas plagosjes së polices Ina Nuka gjatë protestës së banorëve të "Astirit" tek parlamenti; dëmtimit në gishta që ajo pësoi pas sulmit me një kapsollë.

Policia e Shtetit i bën apel prindërve të tregohen të kujdesshëm duke i mbajtur fëmijët larg lëndëve plasëse të rrezikshme, ndërsa fton qytetarët të denoncojnë rastet kur konstatojnë tregtimin e tyre në numrin 112 dhe Komisariatit Dixhital.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06