Qytetarët në të gjithë vendin po dorëzojnë armët e paligjshme, të cilat prej vitesh i mbajnë në banesa apo vende të fshehta. 

Ligji i miratuar në vitin e kaluar, për dorëzimin vullnetar të armëve, po jep efektet e para dhe qytetarët i janë drejtuar komisariateve të policisë 

Ministri i Brendshëm, Saimir Tahiri, ka publikuar në rrjetet sociale video nga dorëzimi i armëve në një fshat të Gjirokastrës. 

Duke shfrytëzuar këtë moment, Tahiri i bën thirrje të gjithë qytetarëve që të bindin familjarët dhe të afërmit e tyre, për t'i dorëzuar armët e paligjshme pranë Policisë. 

"Dje në fshatin Asim Zenel, Gjirokaster: Genci dhe Beshiri dorezuan vullnetarisht armët që mbanin prej vitesh ne shtepi. 
Bind familjaret, miqte e te njohurit e tu, te dorezojne menjehere armet. #shqiperiapaarme", shkruan Tahiri në Facebook.