Vdekja e 17-vjeçarit në Sharrë
bashkia: PD e shfrytëzon politikisht
Pas sulmeve të vazhdueshme të ditëve të fundit të PD ndaj Bashkisë së Tiranës për ngjarjen e ndodhur në landfillin e Sharrës, ku humbi jetën Ardit Gjoklaj 17 vjeç, ka reaguar menjëherë Bashkia e Tiranës. Në një deklaratë për mediat Veliaj është shprehur se Partia Demokratike shfrytëzon çdo situatë për kapital politik. Në deklaratë thuhet gjithashtu se institucionet përkatëse po hetojnë për ngjarjen në fjalë. Në deklaratë theksohet se Bashkia vendos rregullat dhe çdo ofrues sherbimesh në qytet përgjigjet përpara ligjit për çdo shkelje të këtyre rregullave.
Pas sulmeve të vazhdueshme të ditëve të fundit të PD ndaj Bashkisë së Tiranës për ngjarjen e ndodhur në landfillin e Sharrës, ku humbi jetën Ardit Gjoklaj 17 vjeç, ka reaguar menjëherë Bashkia e Tiranës. Në një deklaratë për mediat Veliaj është shprehur se Partia Demokratike shfrytëzon çdo situatë për kapital politik dhe se bashkia përballet çdo ditë me sulme politike. Në deklaratë thuhet gjithashtu se institucionet përkatëse po hetojnë për ngjarjen në fjalë dhe se kanë shoqëruar të implikuarit për këtë rast. Në deklaratë theksohet se Bashkia vendos rregullat dhe çdo ofrues sherbimesh në qytet përgjigjet përpara ligjit për çdo shkelje të këtyre rregullave. Edhe gjatë ditës së sotme, Sekretarja e Marrëdhënieve me Publikun, Grida Duma akuzoi Bashkinë për ngjarjen e ndodhur në landfillin e Sharrës.
Deklarata e plotë e Bashkisë së Tiranës Nga dita e parë në detyrë, stafi i Bashkisë së Tiranës është angazhuar për ta bërë qytetin më të jetueshëm për banorët e tij, por edhe për vizitorët. Edhe pse ka ende shumë për të bërë, jemi krenarë për atë që kemi arritur në vetëm një vit. Sot Tirana është një qytet më i pastër, me transport publik shumë më funksional, me çerdhe, kopshte dhe shkolla të rikonstruktuara, me rrugë dhe trotuare të ndriçuara, me sinjalistikë për drejtuesit e automjeteve, por edhe shumë më miqësore për këmbësorët dhe përdoruesit e biçikletave.
Por, nga ana tjetër, çdo ditë përballemi me sulme politike, të cilat nuk i shërbejnë as punës sonë të përditshme, as qytetit tonë. Këto sulme bëhen edhe më absurde kur vijnë pikërisht nga ata njerëz që për katër vite me radhë zgjodhën të flinin gjumë, duke e lënë qytetin në mëshirë të fatit e që për 4 vjet nuk zgjidhën, edhe pas shumë aksidenteve, çështjen e landfillit të tejmbushur të qytetit, i cili për faj të po këtyre njerëzve kishte degjeneruar në një fushë-betejë për grumbulluesit e mbetjeve.
Disa javë më parë, një djalë i ri ka humbur jetën në fushën e grumbullimit të plehrave në Sharrë. Institucionet përgjegjëse kanë bërë shoqërimet e të implikuarve, janë duke hetuar dhe shpresojmë që e vërteta e kësaj ngjarje të trishtë të zbardhet sa më shpejtë. Një qytet me 1 milion banorë si Tirana, ka mbi 100 kontraktorë të shpërndarë nëpër të gjithë territorin në rrugë, në ujësjellësa, ndërtesa, ura, mbikalime, infrastrukturë arsimore, grumbullim mbetjesh, pastrim e shërbim.
Teksa Bashkia vendos rregullat, çdo ofrues sherbimesh në qytet përgjigjet përpara ligjit për çdo shkelje të këtyre rregullave. Ndaj, Bashkia e Tiranës ka qenë dhe vazhdon të jetë në krah të institucioneve ligjzbatuese, duke ofruar të gjithë ndihmën për një hetim të plotë të kësaj ngjarjeje e vënë përpara përgjegjësisë cilindo kontraktor që nuk ka respektuar këto rregulla.
Siç e kemi shprehur edhe në reagimet tona të mëparshme, në përfundim të hetimit, Bashkia e Tiranës do të zbatojë çdo përfundim, kërkesë apo rekomandim të organeve përkatëse. Por, na vjen keq të shohim se si për çdo fatkeqësi, aksident apo çdo moment të pafat, është gjithmonë Partia Demokratike, një parti e fatkeqësive historike të këtij qyteti e vendi, që mundohet të shfrytëzojë çdo situatë për kapital politik.
Redaksia Online
XH.K/shqiptarja.com
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.2%
-
Jo
19.1%
-
Ndoshta
10.7%
Vota total: 708
Votat totale janë unike
Lajme të tjera
-
Rusia dënon gazetaren e dytë amerikane në një proces gjyqësor sekret
22 Korrik, 22:08
-
UEFA dënon Egnatian dhe Vllazninë
22 Korrik, 22:04
-
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua
22 Korrik, 22:00
-
PD dhe shoqëria civile protestë kundër ‘Rozafa Tower’ në Shkodër: Kulla s'asht Cool
22 Korrik, 21:50
-
'Pazari, zemra e turizmit në Gjirokastër', kryebashkiaku Flamur Golemi: Çmimet janë stabilizuar
22 Korrik, 21:47
-
‘Steka e artë’, 32 sportistë garë për bilardistin më të mirë! Triumfon Astrit Tole i Flamurtarit
22 Korrik, 21:42
-
Hapja e filialit të Universitetit spanjoll kalon në Komisionin e Jashtëm! Shehu: Është një truk për të shuar universitetin e Gjirokastrës
22 Korrik, 21:40
-
Java e fundit e Kuvendit, PS e opozita në limite për ndryshimet e Kodit Zgjedhor! Palët ende në diskutime
22 Korrik, 21:30
-
Goditi me grusht Halit Valterin, Tedi Blushi del nga komisariati: Ishte provokim, do marrin përgjigjen që meritojnë (VIDEO)
22 Korrik, 21:23
-
Sezoni turistik/ Eksperti i ekonomisë: Dy problematika këtë vit, çmimet e larta dhe shërbimi lë për të dëshiruar
22 Korrik, 21:21
-
E 'dogji' me alkool dhe duhan, gjimnastja japoneze përjashtohet nga Lojërat Olimpike
22 Korrik, 20:55
-
Ekzekutimi i Faton Hajrizit/ 'Incident i rëndomtë kriminal', Nexhmedin Spahiu: Serbia po e shfrytëzon për mllef ndaj Kosovës! U shkel territorialiteti i Bosnjes
22 Korrik, 20:44