POP 5

Lajmet më të lexuara të 5 minutave të fundit

Kronikë

Vdekja e 38-vjeçarit në Ksamil, dalin rezultatet e ekspertizës paraprake mjeko ligjore: U mbyt! S'ka asnjë dëmtim të shkaktuar nga jet ski

Ekspertiza paraprake mjeko-ligjore e kryer në Sarandë për Florian Kofinën, i gjetur i vdekur një ditë më parë pranë Gjirit të Barxhos në Ksamil, ka rezultuar se vdekja ka ardhur si pasojë e mbytjes.

Ksamil -  Florian Kofina, 38 vjeç, i gjetur i vdekur pranë Gjirit të Barxhos në Ksamil të hënën, dyshohet se humbi jetën prej një arresti kardiak me pasojë mbytjen. Ky është rezultati i ekspertizës paraprake të kryer në Sarandë, nga e cila nuk ka rezultuar të ketë shenja në trup të shkaktuara nga mjete lundruese.

Gjithsesi, trupi i pajetë i të riut i është nënshtruar një ekspertizë të thelluar mjeko-ligjore në Tiranë, e cila do të japë rezultatin final të vdekjes.

Personat që gjetën fillimisht trupin e pajetë të 38-vjeçarit i thanë policisë se dyshonin të jetë goditur me jet ski, pasi në distancë janë parë disa mjete lundruese të tilla. Për këtë arsye, grupi hetimor nën drejtimin e prokurorit të çështjes, nisi punën duke kryer veprime në vendin e ngjarjes, për të parë nëse qëndrojnë apo jo dëshmitë.

Nga ekspertiza ka rezultuar se në trupin e 38-vjeçarit nuk ka asnjë dëmtim të jetë shkaktuar nga jet ski, përveç një gërvishtjeje të vogël në pjesën e gjoksit, për të cilën ekspertët dyshojnë se është shkaktuar nga përplasja me shkëmbinjtë pasi kishte ndërruar jetë.

Burime bëjnë me dije se mushkëritë i kishte të mbushura plotë me ujë, çka tregon se i riu është mbytur dhe nuk ka gjetur vdekjen nga përplasje me jet ski, e cila përndryshe do te shkaktonte prerje të shumta në trup dhe thyerje kockash, gjë që në rastin në fjalë asgjë e tillë nuk është konstatuar në trupin e Kofinës.

Hetuesit kanë shoqëruar dhe marrë në pyetje pronarin e jet ski dhe drejtuesin e saj, të cilët janë lënë të lirë pasi nga të gjitha të dhënat hetimore nuk kanë rezultuar të kenë pasur dijeni. Zona ku trupi i Florian Kofinës është gjetur konsiderohet e rrezikshme dhe ndalohet notimi.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 05/08/2024 23:43

    /MJEKU/,shume dakord me ju.Dhe pervec kesaj,nuk eshte e thene qe nje perplasje me jetski te shkaktoje patjeter prerje te thella,apo thyerje kockash.Perplasja ka qene kaq e lehte sa te mos i linte gjurme te dukshme,por njekohesisht ka qene ka e forte sa t'a linte pa ndjenja,kur e ka goditur,ose ka shkaktuar vale qe kane shkaktuar permbysjen e kanoas nese ishte ne te dhe punen e ka perfunduar mjedisi ku ishte-deti dhe keshtu del i vdekur me /arrest kardiak/ edhe pse mushkerite i dalin te mbushura me uje.Pra ka shume mundesi qe ne fillim ka humbur ndjenjat,i jane mbushur mushkerite me uje dhe pastaj ka vdekur.

    Përgjigju
  • .mjeku: 05/08/2024 14:55

    Nese do ishte arest kardiak atehere nuk ka asnje mundesi qe mushkrite te mbusheshin me uje o gazetar qe i sherben mbulimit te te vertetes.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47