POP 5

Lajmet më të lexuara të 5 minutave të fundit

Bota

Vdekja e 6-vjeçares shqiptare në Itali, merret në pyetje babai i të miturës! 60 ditë kohë për mjekët që të paraqesin rezultatet e autopsisë

Në Itali po hetohet për aksidentin e ndodhur në perfieri të Bolonjës, ku humbi jetën 6-vjeçarja shqiptare Leila Kurti. E mitura ishte në makinë me babain e saj, i cili është marrë në pyetje për të dëshmuar nëse e vogla ishte lidhur me rrip sigurimi në momentin e përplasjes.

Vdekja e 6-vjeçares shqiptare në Itali, merret në pyetje babai i të miturës! 60 ditë kohë për mjekët që të paraqesin rezultatet e autopsisë

Leila Kurti dhe makina e aksidentuar

Në Itali po hetohet për aksidentin e ndodhur në perfieri të Bolonjës, ku humbi jetën 6-vjeçarja shqiptare Leila Kurti. E mitura ishte në makinë me babain e saj, Gentjan Kurti, i cili është marrë në pyetje për të dëshmuar nëse e vogla ishte lidhur me rrip sigurimi në momentin e përplasjes.

Përveç tij, në pyetje do të merret edhe personi tjetër që u përfshi në aksident. Sipas mediave të huaja, mjekët kanë 60 ditë kohë për të paraqitur rezultatet e autopsisë që përcaktojnë arsyen e vdekjes të të miturës.

Avokati sqaron se të dhëna të tjera mund të nxirren nga kartelat mjekësore të sekuestruara në spitalin Maggiore, ku e mitura u shtrua menjëherë për të marrë trajtim mjekësor por fatkeqësisht nuk mbijetoi.

Vogëlushja, pas 18 ditësh qëndrimi në reanimacionin e spitalit Maggiore në Bolonja, nuk ia doli dhe ndërroi jetë mëngjesin e 2 korrikut 2023. Babai, dy vajzat dhe gruaja e tij ishin nisur drejt aeroportit Marconi për të marrë pjesë në një dasmë në Shqipëri. Makina me të cilën po udhëtonin u përplas nga pas nga një makinë tjetër. Gjendja e Leilës u shfaq menjëherë shumë e rëndë. Motra dhe nëna e saj nuk u dëmtuan, ndërsa babai mori lëndime të lehta.

Gentjan Kurti, 41 vjeç, është i njohur në San Polo ku jeton me gruan dhe familjen që nga viti 1998. Ai është menaxher i servisit Q8 në via Lenin dhe ka qenë këshilltar i qytetit të opozitës për Fdi që nga viti 2018, ndërsa gruaja Michela punon në restorantin e picave Red Lion. Familja shqiptare kishte përjetuar një tragjedi tetë vite më parë pasi prindërit e Leilës së vogël kishin humbur një djalë, Markon, i cili gjithashtu vdiq në moshën 6-vjeçare, për shkak të problemeve shëndetësore.

Kryetari i bashkisë së San Polo Franco Palù ka vendosur të shpallë zi në qytet në ditën kur do 6-vjeçarja do të përcillet në banesën e fundit që mund të jetë dita e nesërme (6 korrik).

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça