Presidenti i vendit Bujar Nishani përmes një mesazhi ka përcjellur ngushllimet për ndarjen e parakohshme nga jeta të kryetarit të bashkisë së Kolonjës, Arben Malo. 

Nishani në mesazhin e tij shktuan se Malo u largua nga kjo jetë në kohën kur më së shumti mund të jepte për familjen dhe banorët e trevës ku ai u lind dhe u rrit. 

Kreu i vendit shkruan gjithashtu se kontributi i tij në komunitet do të mbetet përherë në mendjet dhe zemrat e bashkëqytetarëve të tij.
 
Mesazhi i plotë i presidentit Nishani:

Me dhimbje të thellë mora lajmin për ndarjen e parakohshme nga jeta të kryetarit të bashkisë Kolonjë, në kohën kur më së shumti mund të jepte për familjen e tij të nderuar dhe banorët e trevës ku ai u lind dhe u rrit.

Kontributi i tij në komunitet do të mbetet përherë në mendjet dhe zemrat e bashkëqytetarëve të tij.

Dëshiroj që në këto momente të vështira t’i përcjell ngushëllimet më të sinqerta familjarëve, miqve, bashkëpunëtorëve dhe qytetarëve të Kolonjës.

Shpirti i Arbenit u prehtë në parajsën e përjetshme!

Redaksia Online
XH.K/shqiptarja.com