Tiranë- Vdekja e 42-vjeçarit Egli Proga pas një sulmi të dhunshëm fizik të shtunën e 10 Gushtit, ka detyruar kryepolicin Muhamet Rrumbullaku të nisë inspektimet e procedurave të kryera nga Policia e Pogradecit, në qarkun e Korçës.
Shkak u bënë lajmet dhe dyshimet e hedhura nga disa media ditën e djeshme, se Policia kishte fshehur krimin e vrasjes dhe mbrojtur autorin e sulmit fatal, Denis Meçi, që është i afërm i zyrtarëve të lartë vendorë. Sipas informacioneve, 29-vjeçari rezulton se është nipi i ish-drejtorit të Postës Shqiptare, Valter Gore.
Më herët policia vendore e kishte mohuar përfshirjen e efektivëve në fshehje të provave, duke specifikuar se menjëherë pas ngjarjes identifikuan dhe ndaluan 29-vjeçarin Denis Meçi, si të dyshuar.
Por sot, drejtori i Përgjithshëm i Policisë së Shtetit, urdhëroi inspektim në Drejtorinë Vendore të Policisë, Korçë, lidhur me ngjarjen në qytetin e Pogradecit.
Ngjarja dyshohet se erdhi si rezultat i përleshjes së dy palëve, teksa autori dyshohet se ka qenë i shoqëruar edhe nga dy persona të tjerë.
“Bazuar në Rregulloren e Policisë së Shtetit, Drejtori i Përgjithshëm i Policisë së Shtetit, Drejtues Madhor Muhamet Rrumbullaku, urdhëroi Drejtorinë e Standardeve Profesionale për kryerjen e vlerësimit të zbatimit të detyrave të strukturave në Drejtorinë Vendore të Policisë, Korçë, dhe në Komisariatin e Pogradecit, lidhur me ngjarjen ku, pas një konflikti, humbi jetën një 42-vjeçar”, thuhet në njoftimin zyrtar të institucionit blu.
Dhe më tej sqarohet procedura që do të ndiqet:
“Drejtoria e Standardeve Profesionale në Drejtorinë e Përgjithshme të Policisë së Shtetit do të vlerësojë të gjithë tërësinë e veprimeve dhe reagimit të punonjësve të policisë, prej momentit të parë të marrjes së njoftimit mbi ngjarjen, duke synuar nxjerrjen e përgjegjësisë dhe personave përgjegjës, nëse rezultojnë të tillë”, duke siguruar edhe për angazhimin maksimal për zbatimin e ligjit.
Egli Proga u raportua se humbi jetën ditë dy ditë më parë (10 Gusht), pasi ishte rrëzuar në rrugë në gjendje të dehur në Pogradec. Por, nga hetimet e kryera rezultoi se ai ishte rrahur për vdekje dhe ka ndërruar më pas jetë në spitalin e Pogradecit.
Autori i ngjarjes dyshohet se është 29-vjeçari Denis Meçi, i cili u largua nga vendi i ngjarjes dhe u kap gjatë ndjekjes nga blutë e Pogradecit. Sherri ka ndodhur në ambientet e jashtme të një prej lokaleve të qytetit dhe të rinjtë besohet se kanë qenë në gjendje të dehur.
Viktima pasi u gjakos hyri për pak në lokal, por më tej doli në rrugë, ku dhe u shemb në asfalt. Autori dyshohet se ka qenë i shoqëruar edhe nga persona të tjera dhe verifikimet janë ende aktive.
Egli Proga, viktima dhe Denis meçi, i dyshuari për krimin
Avokati i Popullit ka reaguar për vdekjen e 42-vjeçarit Egli Proga, familjarët e të cilit hedhin akuza ndaj policisë së Korçës se janë përpjekur që ta fshehin ngjarjen. Në një reagim për mediat, Avokati i Popullit thotë se ka nisur verifikim për veprimet dhe procedurat e ndjekura nga organet mbi këtë rast.
"Institucioni i Avokatit të Popullit shpreh shqetësimin e thellë lidhur me ngjarjen e rëndë të ndodhur në Pogradec, ku një qytetar humbi jetën në rrethana të dyshimta. Në veçanti, Avokati i Popullit shpreh shqetësim për pretendimet e ngritura nga familjarët e viktimës dhe një pjesë e opinionit publik në Pogradec, lidhur me mundësinë e fshehjes apo manipulimit të ngjarjes nga strukturat e policisë lokale.
Avokati i Popullit, si institucion i pavarur kushtetues, jo vetëm ka për detyrë të mbrojmë të drejtat e njeriut por edhe të garantojë transparencë dhe drejtësi në çdo rast ku mund të jenë shkelur këto të drejta.
Përsa më sipër Avokati i Popullit njofton se ka nisur një verifikim të plotë mbi veprimet dhe procedurat e ndjekura nga organet kompetente në këtë çështje. Ky verifikim do të synojë të hedhë dritë mbi të gjitha aspektet e ngjarjes, përfshirë edhe pretendimet për moszbardhjen e drejtë të situatës", thuhet në reagim.
Pogradec- Zbulohen momentet e fundit të 42-vjeçarit Egli Proga, që përfundoi viktimë e një sulmi të dhunshëm në ambientet e jashtme të një lokali në Pogradec të shtunën, më 10 Gusht.
“Report TV” dhe “Shqiptarja.com” disponojnë edhe videon ekskluzive të të ndjerit, çastet e fundit para se të dhunohej barbarisht nga i arrestuari Denis Meçi. Në videon e gjatë 1 minutë e 11 sekonda, të shkëputura nga një dyqan fruta-perimesh në Pogradec, pranë vendngjarjes, dallohet në fillim 42-vjeçari që del nga lokali i tij 'Te Nazua' mbyll lokalin
Në dorë mban edhe një çantë të vogël
Pak momente më vonë mendohet se ka ndodhur sulmi. Për ngjarjen kanë nisur verifikimet e procedurave të ndjekura nga Policia e Pogradecit, me urdhër të kryepolicit Muhamet Rrumbullaku, nëse ka pasur shkelje ligjore dhe hetimore paraprake. Motivet e ngjarjes së rëndë mbeten ende të panjohura dhe prokuroria e ka ende në hetim aktiv, ku po mbledh pamje, dëshmi dhe prova të tjera.
Komente
Lajme të tjera
-
Korçë/ Kapet me 3 kg kanabis, lëndën narkotike e kishte fshehur në motorin e makinës! Arrestohet 32-vjeçari
17 Nëntor, 08:56 -
Aksident i rëndë në Maliq, furgoni përplaset me makinën! 7 të plagosur, njëri dërgohet te Trauma (VIDEO)
17 Nëntor, 07:56 -
Fundjavë e pazakontë, borë dhe plazh në mesnëntori! Në Vlorë më të guximshmit bëjnë not, zbardhet Dardha e Korçës
16 Nëntor, 13:30
-
Thellohet skandali/ Mësuesi që ngacmonte nxënëset në Korçë prej 10 vitesh i alkoolizuar
16 Nëntor, 10:52 -
VIDEOLAJM/ Korça nën petkun e bardhë të dëborës! Në Dardhë trashësia arrin deri në 10 cm
16 Nëntor, 09:08 -
33 vjeçari i dha fund jetës në Gjermani, mbërrin në Fier trupi i pajetë i Dritan Lalaj
15 Nëntor, 18:00
-
'Erdhi' dimri/ Bie dëbora e parë në Korçë, zbardhet Dardha (VIDEO)
15 Nëntor, 17:40
-
Liqeni i Prespës së Vogël nuk ekziston më! Fshatarët djegin kallamishten, largohet pelikani kaçurrel e dhjetëra shpendë ujorë (VIDEO)
15 Nëntor, 14:34
-
Aksident me 3 të plagosur, bllokohet për 1 orë e gjysmë aksi Pogradec-Lin (VIDEO)
14 Nëntor, 16:26 -
Ngacmimi seksual, prindërit të alarmuar: Kush mban përgjegjësi për emërimin e mësuesve? S'kemi siguri! Drejtoresha e Arsimit refuzon të përgjigjet: Shkoni në Ministri
14 Nëntor, 12:21
-
Gjendet i vdekur në Beograd një nga kritikët më të zëshëm të Vladimir Putinit
13 Nëntor, 17:25 -
Korçë/ Arrestohet mësuesi i shkollës 9 vjeçare, akuzohet se i dërgonte mesazhe erotike në Whatapp dy nxënësve të tij 14 vjeçare! Denoncimi u bë nga të miturat
13 Nëntor, 12:10
Cfare inspektimi do besh o Rrumbullak topi. Ty te kane lene te pazaret e vogla se per shefa dhe drejtore nuk te pyet njeri. Policia eshte ne ditet e saj me te keqija. Ajo nuk i sherben me njerezve dhe shtetit, por atyre qe paguajne me shume. Nje nga shkaqwt e largimit masiv te njerezve eshte edhe korupsioni skandaloz deri ne krime te renda te kryera nga policia e ashtequajtur e shtetit.
Përgjigju