Vdekja e Gianluca Viallit, ish-futbollisti i Juventus: Kam frikë për veten, dopingu ka qenë gjithmonë aty

Vdekja e Gianluca Viallit në moshën 58-vjeçare nga një tumor, ka alarmuar edhe bashkëlojtarin dhe mikun e tij, Dinno Baggio. Në një bisedë për mediet në Itali, Baggio shpreh gjithë ngushëllimet dhe mirënjohjen për figurën që Vialli ka lënë pas. Në këtë bisedë, Baggio plas "bombën" duke thënë se ka frikë për jetën pasi shumë nga futbollistët janë duke kaluar sëmundje të rënda, gjë që mund të ketë ardhur nga substancat që kanë përdorur në kohën kur ishin në aktivitet.

"Kam një kujtim të mrekullueshëm për Viallin, një djalë që i bëri të rinjtë të rriten. Gjithmonë kishte një fjalë të bukur për të gjithë, por u largua shpejt nga kjo botë. Ne duhet të hetojmë substancat që kemi marrë gjatë asaj kohe. Gjithmonë ka pasur doping. Do të ishte për të kuptuar nëse disa suplemente na kanë dëmtuar me kalimin e kohës. Me kalimin e kohës duhet të shikoni nëse disa suplemente janë të mira për ju apo jo, nëse mund t’i përdorni ose jo ato. Më pas shumë folën për barin në fusha dhe produktet që përdornin, gjë që shkaktonte probleme. Edhe unë jam i frikësuar, po u ndodh shumë lojtarëve”, përfundoi Baggio.

51-vjeçari ka luajtur 60 ndeshje dhe ka shënuar 7 gola për Italinë, teksa ka qenë pjesë e klubeve si Torino, Juventus, Inter, Parma, Lazio, Ancona dhe Triestina.

S.DH/Shqiptarja.com

TAG:
• itali
• dinno baggio
• gianluca vialli