Vdekja e kapitenit të Egnatias në fushë, policia: 28-vjeçari shkoi pa shenja jete në spital

Sulmuesi dhe kapiteni i Egnatias Raphael Duamena ka ndërruar jetë pasi u rrëzua në fushë në ndeshjen me Partizanin. Në njoftimin zyrtar të policisë, nënvizohet se paso u rrëzua, në fushë u futen mjekët e ekipeve dhe më pas futbollisti është transportuar në spitalin e Kavajës. Por mjekët konfirmuan se 28-vjeçari kishte humbur jetën.

‘Në stadiumin "Arena Egnatia", ku po zhvillohej ndeshja e futbollit të ligës "Abisnet Superiore", midis ekipeve Egnatia dhe Partizani, në minutën ‘23-‘24, futbollisti i ekipit Egnatia, shtetasi R. D., 28 vjeç, kapiten i këtij ekipi, është ndjerë keq dhe ka rënë në tokë, pa ndjenja.  

LEXO EDHE:
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu

Menjëherë, janë futur në fushë, mjekët e ekipeve dhe autoambulanca, dhe futbollisti është transportuar në spitalin e Kavajës, por mjekët konfirmuan se 28-vjeçari kishte humbur jetën.

Është ngritur një grup i posaçëm hetimor dhe në drejtimin e Prokurorisë, po vijon puna për të sqaruar shkakun e humbjes së jetës së lojtarit, gjatë ndeshjes.’- njofton policia.

Lajmi kryesor:

Tragjedi në fushë/ Dwamena rrëzohet në tokë gjatë Egnatia - Partizani! Sulmuesi ndërron jetë në spital, Prokuroria nis hetimet! FSHF shtyn të gjitha ndeshjet (VIDEO)

M.Q./Shqiptarja.com

TAG:
• fshf
• superliga
• partizani
• Raphael Dwamena
• Tirane
• Rrogozhine
• Raphael Duamena
• egnatia