POP 5

Lajmet më të lexuara të 5 minutave të fundit

Kronikë

Vdekja e legjendës së futbollit, reagon Meta: Hidhërim! Uroj që amaneti i tij të përmbushet nga të rinjtë

Meta e cilëson Fatmir Frashërin si një kampion të papërsëritshëm si në fushë e në pankinë por edhe jashtë ambienteve sportive.

Vdekja e legjendës së futbollit, reagon Meta: Hidhërim! Uroj që amaneti i tij të përmbushet nga të rinjtë

Presidenti i Republikës Ilir Meta ka reaguar pas shuarjes nga jeta të ikonës së sportit shqiptar, Fatmir Frashëri duke shprehur ngushëllimet e tij për familjarët e 78-vjeçarit.

Kreu i Shtetit shkruan se Fatmir Frashëri i dha kuptim futbollit duke thënë ndërsa shpreson që amaneti i tij në futboll të përmbushet nga të rinjtë. Meta e cilëson një kampion të papërsëritshëm si në fushë e në pankinë por edhe jashtë ambienteve sportive.

“Me hidhërim të madh mësova lajmin e trishtë të ndarjes sot nga jeta të kampionit tonë të madh e të papërsëritshëm tiranas, si në fushë e në pankinë, por edhe jashtë ambienteve sportive, një prej legjendave të futbollit shqiptar, Fatmir Frashëri!

Familja Frashëri, që i dha aq shumë personalitete kombit tonë në të gjitha fushat, natyrisht që do t’i jepte një gjigant edhe në fushën e blertë por edhe si trajner.

Si lojtar, trajner e President dinjitoz i Tiranës, Fatmiri ynë i dashur do të mbahet mend përjetë për virtuozitetin dhe talentin e rrallë, aq sa me të drejtë për të thuhet se nuk ishte futbolli që e bëri të madh, por ishte pikërisht ai që i dha kuptim këtij sporti si rrallëkush, duke qenë njëherësh sportist i dalluar dhe intelektual i spikatur!

I ruaj me nostalgji emocionet e takimit tonë të fundit dhe bisedën e ngrohtë që patëm, duke uruar së bashku për rezultate më të mira e më të larta për sportin tonë! Ndaj uroj që amaneti i tij të përmbushet nga brezat e rinj të sportistëve tanë!

Duke ndarë dhimbjen e thellë për këtë humbje të madhe e të pazëvendësueshme, u shpreh ngushëllimet më të sinqerta familjes Frashëri, miqve e bashkëpunëtorëve të afërt, si edhe të gjithë sportdashësve shqiptarë. I paharruar kujtimi yt Profesor!”, shkruan Meta në mesazhin e tij.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06