POP 5

Lajmet më të lexuara të 5 minutave të fundit

Bota

Vdekja e Papës Benedikti XVI, radha e njerëzve kalon pritshmëritë e Vatikanit! 65 mijë qytetarë i dhanë lamtumirën e fundit ditën e parë të homazheve

65,000 persona i kanë dhënë lamtumirën e fundit Benediktit XVI, një shifër që i ka kaluar pritshmëritë e Vatikanit. Kjo e hënë shënon ditën e dytë të homazheve, ku edhe sot mijëra besimtarë po qëndrojnë në radhë në Bazilikën e Shën Pjetrit, e ndërsa atë enjten pritet të bëhet ceremonia e varrimit.

ITALI- 65,000 persona i kanë dhënë lamtumirën e fundit Benediktit XVI, një shifër që i ka kaluar pritshmëritë e Vatikanit. Kjo e hënë shënon ditën e dytë të homazheve, ku edhe sot mijëra besimtarë po qëndrojnë në radhë në Bazilikën e Shën Pjetrit, e ndërsa atë enjten pritet të bëhet ceremonia e varrimit.

Policia e Vatikanit ishte përgatitur për një numër prej 25,000 deri në 30,000 persona, mirëpo vetëm gjatë së dielës pati 2-fishin e qytetarëve. 

Përpara se besimtarët të futeshin në bazilikë, u recituan lutjet dhe kryeprifti i bazilikës, Kardinali Mauro Gambetti, spërkati ujë të shenjtë mbi trupin e Papës, e ndërsa në duart e tij ishin të shtrënguara, një rruzare rreth gishtave.

Papa ndërroi jetë natën e Vitit të Ri në moshën 95-vjeçare , pothuajse një dekadë pasi u largua nga pushteti për shkak të përkeqësimit të gjendjes shëndetësore.

Vatikani ka bërë të ditur se funerali do mbahet më 5 janar të enjten dhe do drejtohet nga Papa Françesku dhe kjo është hera e parë që një Papë do të varroset nga pasardhësi i tij. Vatikani thotë se shërbimi funeral do të jetë i thjeshtë, solemn dhe i matur.

Vetë Papa Benedikti kishte kërkuar që funerali tij të ishte i thjeshtës, sipas asaj që tha zëdhënësi i Vatikanit Matteo Bruni. Papa Benedikti XVI  drejtoi Kishën Katolike për më pak se 8 vjet. Në vitin 2013, ai u bë Papa i parë që dha dorëheqjen pas 6 shekujsh që nga Gregori XII në vitin 1415. Benedikti i kaloi vitet e tij të fundit në manastirin Mater Eçlesiae brenda mureve të Vatikanit. Lajmi për vdekjen e tij u bë i ditur në një deklaratë nga Vatikani: “Me dhimbje ju njoftoj se Papa Emeritus, Benedikti XVI, ndërroi jetë sot në orën 9:34 në Manastirin Mater Eçlesiae në Vatikan'.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06