Vdekja që mund të ishte shmangur! Punëtori ra në pus, arrestohet pronari i shtëpisë, s'u respektuan kushtet e punës! Momenti kur zjarrfikësi nxjerrin trupin e pajetë të 65-vjeçarit (VIDEO)

Momenti kur zjarrfikësi nxjerrin trupin e pajetë të 65-vjeçarit

KAMZË- Vdekja e punëtorit 65-vjeçar dje në Kamzë pasi ra në pus mund të ishte shmangur, nëse do të ishin respektuar kushtet e sigurisë në punë.

Ai gjeti vdekjen teksa po pastronte pusin në banesën në pronësi të Q.M., në Bathore, për këtë arsye policia i ka vënë prangat. Në pamjet e publikuara, operacioni për nxjerrjen e trupit nuk ka qenë aspak i lehtë.

Rreziku që i kanosej ishte shumë i madh si nga gazrat e tokës, thellësia ashtu edhe dimensioni tepër i ngushtë i pusit. Fatkeqësisht pavarësisht punës së zjarrfikëses, 65-vjeçari nuk u nxor i gjallë prej aty.

“Po nga specialistët për Hetimin e Krimit në Komisariatin e Policisë Nr. 5 u bë arrestimi i shtetasit Q. M., pasi në Bathore, në rrugën “Rozafa”, si pasojë e mosrrespektimit të rregullave që kanë të bëjnë me punën, gjatë pastrimit të pusit në banesën e tij, ka rënë brenda tij dhe ka humbur jetën punëtori shtetasi Q. H”, njofton Policia.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush i fiton zgjedhjet e pjesshme vendore të 6 marsit?



×

Lajmi i fundit

John

Takimi i ‘sikletshëm’ virtual i Putinit dhe biznesmenëve italianë, mes tensioneve të perëndimit