Ka ndërruar jetë në spitalin e Korfuzit zvicerania Vera Kaser. Pavarësisht ndihmës së dhënë në spitalin grek, ajo raportohet se sot ka ndërruar jetë.

52-vjeçarja dje ishte duke lundruar në Borsh së bashku me bashkëshortin Peter Kaser 62 vjeç me një varkë por si pasojë e dallgëve përfunduan në afërsi të ishullit Erikusa në Greqi.

Ata u gjetën nga Forcat e Armatosura Shqiptare në bashkëpunim me autoritetet greke dhe u dërguan në spital, por gruaja ndërroi jetë. Bashkëshorti i saj sipas medieve greke raportohet se ndodhet jashtë rrezikut për jetën.

dy.b/shqiptarja.com