POP 5

Lajmet më të lexuara të 5 minutave të fundit

Politikë

‘Mount of Tirana’, kullë e re në qendër të Tiranës! Fituese kompania ‘Cebra’! Veliaj: Folën profesionistët

Kompania “Cebra” është shpallur fituese për të zhvilluar projektin e Tirana Multifunctional Center. Kulla gjigante pritet të shërbejë për zyra, hoteleri e argëtim dhe plotëson kurorën e Sheshit “Skënderbej”, sikurse ishte parashikuar në planin francez vite më parë.

Qendra më e re multifunksionale “Mount of Tirana” që do të ndërtohet në kryeqytet, pritet të shërbejë jo vetëm për zyra, por edhe hoteleri e argëtim, duke kompetuar kurorën rreth sheshit “Skënderbej”, ashtu siç iishte planifikuar vite më parë në planin framncez për Tiranën. Projekti për kullën gjigante, pritet të zbatohet nga kompania Cebra, që u shpall fituese mes 5 kompanish në garë.

 “Do të ketë disa hapesira, jo vetëm për zyra, por edhe për rezidencë, hoteleri dhe argëtim, që do të kompletojë kurorën rreth sheshit “Skënderbe”, ashtu siç ka qenë plani francez origjinal, ne përputhje me kërkesat gjithmonë e në rritje të një qyteti që këtë vit është Kryeqyteti Europian i Rinisë dhe vitin tjeter, me shprese do te jete Kryeqyteti Europian i Sportit”, tha Veliaj.

Shpallja e fituesit u bë nga një juri e përbërë nga kryeministri Edi Rama, Më herët në çeljen e garës, kryebashkiaku Veliaj tha se operacioni për sekuestrimin e ndërtesave pa leje zgjidh një situatë problematike prej vitesh.

 “E para, si të rakordojmë edhe lejet e bashkisë, edhe lejet e KKT-së. E dyta, si do të ndryshojmë periodën e kontrollit; pra, nëse perioda e kontrollit ka qenë e tillë: në fillim themelet, kati zero, karabinaja dhe pastaj përfundimi, ndoshta perioda duhet të jetë me ditë dhe jo me nivelin progresiv të veprës. Nëse ligji ka një parashikim për sekuestron e atyre që shkelin ligjin, që janë me gishtat e dorës në një Tiranë me 300 mijë ndërtesa, si do të përkthehet kjo? E merr Enti i Banesave, e merr Bashkia apo e merr qeveria?

5 studio ndërkombëtare ishin në garë për projektin e Tirana Multifunctional Center. Kryebashkiaku Veliaj veçoi se Tirana ka përballuar 7 mln turistë këtë vit duke tejkaluar numrin e banorëve dhe sipas tij kërkohen hotele me emër për akomodim. Turistët kanë kaluar numrin e banorëve të Tiranës. Sipas Kryetarit Erion Veliaj këtë vit kryeqyteti regjistron 7 milion turistë. Për këtë veçon kryebashkiaku duhen përshtatur strukturat akomoduese.

 “Ne duam të kemi turistë, por nuk duam të kemi kulla? Në cilat hotele do të rrinë? Do t’i mbajmë si partizanët në shtëpi? Prandaj, është shumë e rëndësishme t’i bazojmë gjërat në fakte. Themi se kjo kompani është kompani mafioze, lavatriçe parash, por sot rrethohemi nga kulla e Hotel Intercontinental, nga kulla e Hotel Mariott, nga kulla e Hotel Melia. Pra, të gjitha kanë një adresë dhe një logo. Ndaj, unë besoj se na duhet një pakt kombëtar që të paktën të mos fyejmë, të mos shajmë, të mos e njollosim vendin tonë,”, tha Veliaj.

Tirana tashmë është bërë një qendër multifunksionale dhe si e tillë kërkon ndërtimi një projekti të posacëm për këtë qëllim. 5 studio prezantuan projektet e tyre këtë të shtunë ku prezentë ishte edhe kryeministri Edi Rama. Ai vlerësoi propozimet të cilat kaluan në jurinë e përbërë nga Kryeministri Rama, Kryebashkiaku Veliaj, dhe një grup arkitektësh si Pablo Bofill, Stefano Boeri, Filippo Innocenti.  Projekti fitues për Tirana Multifunctional Center do të përfaqësojë një ndër modelet e reja dizenjimit dhe strukturimit teknologjik që do të ktheje Tiranën në një metropol rajonal për zhvillimin e kryeqytetit.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 02/10/2022 02:18

    D.m.th.paska qene plan francez ky per shemtimin me kulla te qendres se Tiranes! Nje pyetje kam per dy pykat e kryeministrise dhe bashkise:Pyetini pak ata /fru-frute/pse nuk e mbushin dhe Parisin e tyre me shemtira te tilla,pse atje ruhet me rreptesi lartesia deri ku e sa duhet te nderohet, kurse Tirana po shemtohet jo cdo vit,por cdo minute e me shume? Ore Erion,ke studiuar dhe ne Amerike dhe nuk je plak si Rama e Sala,nuk i shikon trendet e turizmit sot?Nuk e shikon se cfare lloj eshte turisti,sidomos ai i ri,i shek.XXI?!Turisti i ri,jeton thjeshte,nget bicikleten,scooter-in dhe preferon ecoturizmin,pra menyren partizane sic thoni ju.Nese donte turizem kullash,nuk ka nevoje per Tiranen,ka qytete te tjera me te rendesishme qe pervec kullave,ofrojne gjera te tjera,qe ju s'keni per t'i ofruar kurre,se as i keni,as keni per t'i patur ndonjehere.

    Përgjigju
  • A. N.: 01/10/2022 16:28

    Me pak fjale ti rrasim beton sa me shume Tiranes ngaqe na vijne turistet?

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sondazhi i Report Tv, Namir Lapardhaja: PS ka rritje, prej 'luftës civile' në PD! Partitë e reja të gjejnë forcë të bashkohen rreth euro-atlantizmit

Sondazhi i Report Tv, Namir Lapardhaja: PS ka rritje, prej 'luftës civile' në PD! Partitë e reja të gjejnë forcë të bashkohen rreth euro-atlantizmit

26 Dhjetor, 13:56