POP 5

Lajmet më të lexuara të 5 minutave të fundit

Tirana

Projekti i ri për Akademinë e Arteve, Veliaj: Do ruhet pjesa e vjetër, karakatina do të zëvendësohet me hapësirë të re

Lajmin e dha kreu i Bashkisë së Tiranës, Erion Veliaj, i cili  së bashku me këngëtaren Kejsi Tola, iu bashkuan nismës për mbjelljen e 100 pemëve të reja në Parkun e Liqenit Artificial.

Projekti i ri për Akademinë e Arteve, Veliaj: Do ruhet pjesa e vjetër, karakatina do të zëvendësohet me hapësirë të re

Bashkia e Tiranës njofton se Akademia e Arteve do të trefishojë hapësirat e saj, duke ofruar kushte më të mira për të rinjtë që studiojnë Muzikë, Arte të Bukura dhe Art Skenik. Lajmin e dha kreu i Bashkisë së Tiranës, Erion Veliaj, i cili  së bashku me këngëtaren Kejsi Tola, iu bashkuan nismës për mbjelljen e 100 pemëve të reja në Parkun e Liqenit Artificial. Por cfarë do të ndodhë konkretisht? Erion Veliaj thotë se “Lajmi i mirë është që kryeministri i ka kërkuar Bashkisë së Tiranës të udhëheqë projektin për pjesën shtesë të Akademisë së Arteve. Kemi një arkitekt fantastik si Mario Casamonti, që bëri stadiumin, i cili tani që ka rënë pak cinizmi dhe skepticizmi për punët e mira, do të bëjë shtesën që 3-fishon hapësirën e arteve; pra, ruhet e gjithë pjesa e vjetër, por kjo pjesa karakatinë me shtesa dhe e lënë pas dore do të zëvendësohet nga një hapësirë e re. Me Teatrin, me Akademinë e Arteve, me stadiumin, me sheshin, me pazarin, me Kalanë, me bulevardin, me liqenin, jemi një qytet përsëmbari”, tha Veliaj, njofton zyra e shtypit të bashkisë.

Më pas kryebashkiaku vlerësoi këngëtaren e talentuar Kejsi Tola jo vetëm për atë që jep në muzikë, por edhe për ndjenjën e lartë të përgjegjshmërisë qytetare. “Jam shumë i lumtur që një supergocë e qytetit tonë, një superartiste, por mbi të gjitha një super qytetare si Kejsi Tola, iu bashkua fushatës sonë të mbjelljeve. Më kujtohet kënga e Kejsit ‘Më ke mua’ dhe pyetja për të gjithë ne është: Na ka ne Tirana? Mund t’i themi Tiranës më ke mua? Më ke mua për pastrim, gjelbërim? Më ke mua për t’u kujdesur për mirëmbajtjen? Nëse secili prej nesh i thotë Tiranës më ke mua, pra jam çuni e goca jote, për ta ruajtur si një zonjë të fisme, atëherë sigurisht mund të kemi qytet fantastik”, shtoi ai.

Veliaj shprehu besimin se Bashkia e Tiranës edhe këtë vit do të arrijë të mbjellë 100 mijë pemë të reja, ku një vëmendje e posaçme i është kushtuar lumit të Tiranës dhe zonës së Farkës. “Jemi shumë afër edhe këtë vit për të kapur 100 mijë pemë. Një pjesë të madhe të mbjelljeve po e bëjmë tek lumi i Tiranës; pra, jemi zhvendosur nga jugu i liqenit, në veri te lumi i Tiranës, ku kufizohemi me Kamzën, ndërkohë që pjesa tjetër po vazhdon në Farkë, aty ku këtë vit do të fillojmë gjysmën e dytë të pedonales, për t’u siguruar që i lëmë Tiranës një tjetër park të madh për argëtim, çlodhje, dhe sport”, tha Veliaj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ggg: 26/02/2020 09:02

    Dmth do na behet edhe nje kulle tjeter tek akademia.... hahahaha

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46