POP 5

Lajmet më të lexuara të 5 minutave të fundit

Sociale

Veliaj: Deri në fund të vitit, të
gjitha lagjet me kënde lodrash

Kryetari i Bashkisë së Tiranës, Erion Veliaj tha se deri në fund të vitit, të gjitha lagjet e Tiranës do të kenë këndit e tyre të lodrave  FOTO
Veliaj: Deri në fund të vitit, të<br />gjitha lagjet me kënde lodrash
TIRANE - Përfundon këndi i gjashtë i lodrave për fëmijët e kryeqytetit. Ashtu siç kishte premtuar, Bashkia e Tiranës, në përmbushje të premtimit për të ndërtuar kënde lodrash në çdo lagje të qytetit, ka mundur të realizojë këndin e ri të lojërave që do t’i shërbejë një prej lagjeve më të mëdha të Tiranës, asaj të “Komunës së Parisit”.

Kjo hapësirë e re, përveç këndit të lodrave, është konceptuar si një ambient rekreativ, ku jo vetëm mund të luajnë fëmijët, por edhe të çlodhen të moshuarit dhe komuniteti përreth.

Kryetari i Bashkisë së Tiranës, Erion Veliaj, përuroi këtë ambient të ri për fëmijët dhe vlerësoi punën e bërë me mbështetjen edhe të donatorëve. Ai u shpreh i lumtur për hapjen e këndit të gjashtë të lodrave brenda një kohe të shkurtër dhe se ky kënd është po aq i bukur sa ai te Liqeni Artificial.

Veliaj tha se deri në fund të vitit, të gjitha lagjet e Tiranës do të kenë këndit e tyre të lodrave. Në bashkëbisedimin e tij me fëmijët, kryebashkiaku u kërkoi atyre dhe prindërve që ta mirëmbajnë dhe të mos e dëmtojnë.

“Dua që t’ju lë një porosi: E di se ju kujdeseni që lodrat dhe lulishtet t’i mbani pastër, por na ndihmoni edhe me të rriturit, që ata të mos bëjnë pis”, u tha ai fëmijëve.

Sheshi rekreativ te Komuna e Parisit u krijua pas rikonceptimit të të gjithë hapësirës së lulishtes së mëparshme, e cila ishte degraduar plotësisht. Në gjithë sheshin janë shtruar rreth 300m2 trotuare të reja të pajisuara me rampa, me sinjalistikë të re, gjithashtu janë shtuar rreth 40m2 gjelbërim, i shtrirë jo vetëm brenda lulishtes, por edhe në ambientin rrethues të saj. 9 nga pemët e reja janë marrë nga sheshi “Skënderbej”, pas punimeve që po kryen në këtë shesh, i cili falë projektit të Bashkisë do të kthehet në pedonale në shërbim të qytetarëve.

Në ambientin e rikonceptuar tërësisht janë vendosur lodra të ndryshme për fëmijët e të gjitha grupmoshave, por edhe 17 stola që do të shërbejnë si mjedise çlodhëse për prindërit apo gjyshërit dhe gjyshet e më të vegjëlve.

[gallery]19650[/gallery]

(er.nu/shqiptarja.com)

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06